بۇل جەردە دەنساۋلىعىندا كىناراتى بار 3-18 جاس ارالىعىنداعى بالالارعا مەديتسينالىق, پسيحولوگيالىق جانە پەداگوگيكالىق كەشەندى قولداۋ كورسەتىلەدى.
جىل سايىن ورتالىقتا شامامەن 840 بالا ەمدىك-ساۋىقتىرۋ شارالارىنان وتپەكشى. مۇندا كۇندىزگى ەمدىك كۋرستارىنا ارنالعان جانە جاتىپ ەمدەلەتىن بولىمشەلەر, دياگنوستيكالىق كابينەتتەر, دەنەشىنىقتىرۋ زالدارى, تۇز شاحتاسى, بالانىڭ سەزىم مۇشەلەرىن دامىتۋعا جانە مىنەز-قۇلقىن رەتتەۋگە ارنالعان سەنسورلىق جانە ينتەراكتيۆتى جابدىقتار, يممەرسيالىق ۆاننا, ارنايى ەڭبەك قۇرالدارىمەن جابدىقتالعان شەبەرحاناسى بار. مەكەمەگە بىرنەشە پسيحولوگ, لوگوپەد, دەفەكتولوگ جانە ارنايى ەمدىك-دەنەشىنىقتىرۋ جاتتىقتىرۋشىلارى, نەۆرولوگ ماماندار جۇمىسقا قابىلداندى.
جوبا «سامرۇق-قازىنا» اق-نىڭ Samruk –Kazyna Trust كورپوراتيۆتى قايىرىمدىلىق قورى مەن «Baquatty Aimaq Qory» جانە اقتوبە وبلىسى اكىمدىگىنىڭ قولداۋىمەن ىسكە اسىرىلدى.
ايتا كەتۋ كەرەك, اقتوبە وبلىسىندا 6 مىڭنان استام مۇگەدەك بالا بار.
