قحپ ماڭعىستاۋ وبلىستىق فيليالىندا پارتيا بەلسەندىلەرى مەن جەرگىلىكتى ءماسليحات دەپۋتاتتارىنىڭ قاتىسۋىمەن كەزدەسۋ ءوتتى.
«قازاقستان حالىق پارتياسى جاڭا كونستيتۋتسيانىڭ جوباسىن قولدايدى. ءبىز پرەزيدەنت قاسىم-جومارت توقاەۆتىڭ ساياسي رەفورماسىن ىسكە اسىرۋدى ادىلەتتى قازاقستان قۇرۋداعى ەڭ ماڭىزدى جانە زاڭدى قادام دەپ سانايمىز», دەدى فيليال باسشىسىنىڭ م.ا. راشيد تولەۋعاليەۆ.
فيليال كونستيتۋتسيالىق رەفورما تاقىرىبىندا دوڭگەلەك ۇستەل ۇيىمداستىردى.
قاتىسۋشىلار جوبانىڭ نەگىزگى تۇجىرىمدارىن جان-جاقتى تالقىلاپ, قحپ-نىڭ وسى ماسەلەگە قاتىستى ۇستانىمىن جانە كوزقاراسىن ءبىلدىردى, سونداي-اق كونستيتۋتسيالىق وزگەرىستى ىسكە اسىرۋداعى قوعامدىق-ساياسي ينستيتۋتتاردىڭ ءرولىن قاراستىردى.
باتىس قازاقستان وبلىسىنداعى پارتيالاستارىمىز دا دوڭگەلەك ۇستەل ۇيىمداستىرىپ كونستيتۋتسيالىق رەفورمانى تىلگە تيەك ەتتى. ءىس-شارا فيليال بەلسەندىلەرى مەن قوعام وكىلدەرى جانە ساراپشىلار قاۋىمداستىعى اراسىنداعى اشىق پىكىر الماسۋ الاڭىنا اينالدى.
مەملەكەتتىك كەڭەسشى: جاڭا كونستيتۋتسيا – ۇلتتىق مۇددەنى كوزدەيدى
فيليال توراعاسى بوريس لاۆرەنتەۆ قاتىسۋشىلارعا جوبانىڭ نەگىزگى تۇجىرىمدارىن ءتۇسىندىرىپ, قۇجاتقا ەنگىزىلگەن وزگەرىستەر دەموكراتيالىق ينستيتۋتتاردى نىعايتۋعا, ازاماتتاردىڭ قۇقىعى مەن بوستاندىعىن كەڭەيتۋگە جانە مەملەكەتتىك ورگانداردىڭ قىزمەتىنە قوعامدىق باقىلاۋدىڭ ءرولىن ارتتىرۋعا ىقپال ەتەتىنىن ايتتى.
قاتىسۋشىلار ۇسىنىلعان وزگەرىستەردى, ولاردىڭ الەۋمەتتىك-ساياسي ءمانى مەن ەلىمىزدىڭ دامۋىنا قوساتىن ىقتيمال اسەرىن جان-جاقتى تالقىلادى.
«زاڭ ۇستەمدىگىنە, الەۋمەتتىك ادىلدىك پەن ازاماتتاردىڭ مۇددەسىن قورعاۋ ماسەلەلەرىنە ەرەكشە نازار اۋدارىلدى», دەپ ناقتىلادى ۇيىمداستىرۋشىلار.
بارلىعى مۇنداي پىكىرتالاستىڭ ماڭىزى زور ەكەنىن اتاپ ءوتىپ, تالقىلاۋعا قاتىسۋدى جالعاستىرۋعا دايىن ەكەندەرىن جەتكىزدى
قحپ اقمولا وبلىستىق فيليالىندا ءوڭىر بەلسەندىلەرىمەن اشىق ديالوگ الاڭى ۇيىمداستىرىلدى. ءىس-شارادا قاتىسۋشىلار پىكىر الماسىپ, قۇقىقتىق جانە قوعامدىق تەتىكتەردى جەتىلدىرۋ بويىنشا ۇسىنىس ءبىلدىردى.
پارتيا مۇشەلەرىنىڭ پىكىرىنشە, بۇل زاڭنامانى ايقىن جانە ءادىل ەتۋگە سەپتىگىن تيگىزەدى. ديالوگ بارىسىندا قوعام ءۇشىن ماڭىزدى ماسەلەلەردى كونسترۋكتيۆتى تالقىلاۋعا ءازىر ەكەنىن كورسەتكەن بەلسەندىلەر ەرەكشە ءرول اتقاردى.
