فوتو: ortcom.kz
ونىڭ ايتۋىنشا, كوميسسيانىڭ قاراۋىنا كونستيتۋتسيا جوباسىنىڭ 18-بابىنا قاتىستى بىرقاتار ۇسىنىس كەلىپ تۇسكەن. زاڭگەرلەر مەن مامانداردىڭ پىكىرىنشە, زاڭعا تەحنيكا تۇرعىسىنان سۇراقتار بار.
«وسى باپتىڭ 2-تارماعىندا «سوت شەشىمىنسىز ادامدى زاڭدا كوزدەلگەن مەرزىمنەن ارتىق ۇستاۋعا بولمايدى» دەپ كورسەتىلگەن. بۇل جالپى دۇرىس. دەگەنمەن, ورىس تىلىندەگى اۋدارماسىندا «مەرزىمنەن ارتىق ۇستاۋ» دەگەن شەءشۋشى ۇعىم كورسەتىلمەي قالعان», دەدى باس پروكۋروردىڭ ءبىرىنشى ورىنباسارى.
سول سەبەپتى كەيبىر ماماندار «سوت شەشىمىنسىز كۇدىكتىنى ۇستاۋعا مۇلدەم بولمايدى» دەپ ءتۇسىنىپ قالۋ قاۋپى بار ەكەنىن ايتتى.
«ءماتىن مازمۇنىنا قاراساق, راسىندا دا ءدال سولاي. كىسى ءولتىرۋ, باسقا دا قوعامعا قاۋىپتى قىلمىستار كىدىرىستى كوتەرمەيتىنى انىق. قىلمىستى توقتاتۋ, كۇدىكتىنى دەرەۋ وقشاۋلاۋ — قۇقىق قورعاۋ قىزمەتىنىڭ ەڭ نەگىزگى مىندەتتەرىنىڭ ءبىرى. تەك وسىدان كەيىن عانا سوت ونى كۇزەتپەن ۇستاۋ تۋرالى شەشىمدى قابىلدايدى. بۇل دۇنيەجۇزىلىك تاجىريبە سانالادى. كونستيتۋتسيانىڭ ءاربىر نورماسى انىق, تۇسىنىكتى بولۋى كەرەك. سوندىقتان تالقىلاۋداعى وسى نورمانى زاڭ تەحنيكاسى تۇرعىسىنان قايتا قاراپ, ناقتىلاۋدى ۇسىنامىن», دەدى جاندوس ومىراليەۆ.
مىڭجىلدىق تاريحتىڭ ساباقتاستىعى – جاڭا كونستيتۋتسيا جوباسى ايقىنداپ بەرگەن باعدار
