جيىنعا پارلامەنت ءماجىلىسىنىڭ دەپۋتاتتارى, كونستيتۋتسيالىق كوميسسيا مۇشەلەرى, ازاماتتىق قوعام وكىلدەرى, باستاۋىش پارتيا ۇيىمدارىنىڭ بەلسەندىلەرى جانە پارتيانىڭ وڭىرلەردەگى ايەلدەر قاناتىنىڭ مۇشەلەرى قاتىستى.
«AMANAT» پارتياسىنىڭ حاتشىسى, ايەلدەر قاناتىنىڭ ءتوراعاسى شولپان كارينوۆا مودەراتورلىق ەتكەن دوڭگەلەك ۇستەلدە جاڭا كونستيتۋتسيا جوباسىنىڭ ايەلدەر ءۇشىن ايرىقشا ماڭىزعا يە ەكەنىن اتاپ ءوتتى.
ونىڭ ايتۋىنشا, بۇل قۇجات ايەلدەردىڭ قوعامدىق ومىرگە ارالاسۋى, كاسىبي دامۋى مەن ساياسي بەلسەندىلىگىنە تىكەلەي ىقپال ەتەدى.
«جاڭا كونستيتۋتسيا تەك زاڭگەرلەرگە نەمەسە ساياساتكەرلەرگە ارنالعان قۇجات ەمەس. بۇل – ءار ازاماتتىڭ, ءار قازاقستاندىقتىڭ, اسىرەسە ءار ايەلدىڭ كۇندەلىكتى ومىرىنە تىكەلەي اسەر ەتەتىن نەگىزگى قوعامدىق كەلىسىم. كونستيتۋتسيا ازاماتتاردىڭ ءبىلىم الۋعا, ەڭبەك ەتۋگە, باسقارۋعا, شەشىم قابىلداۋعا جانە دەنساۋلىق ساقتاۋ جۇيەسىنە قاتىسۋىنا تەڭ مۇمكىندىك بەرەدى. ءبىز كونستيتۋتسيا جوباسىن ايەلدىك تاجىريبە, جاۋاپكەرشىلىك جانە ازاماتتىق ۇستانىم تۇرعىسىنان قاراستىرامىز. سەبەبى ايەلدەردىڭ قاتىسۋىنسىز ادىلەتتى قوعام قۇرۋ مۇمكىن ەمەس, ال ادىلەتتى قوعام كونستيتۋتسيادان باستالادى», دەدى شولپان كارينوۆا.
تالقىلاۋ بارىسىندا كونستيتۋتسيا جوباسىندا تەڭ مۇمكىندىكتەر قاعيداتتارى بەكىتىلىپ, ازاماتتىق قاتىسۋ تەتىكتەرى كۇشەيتىلگەنى, وتباسىن, انانى جانە بالانى قورعاۋ كوزدەلگەنى, سونداي-اق تسيفرلىق ءداۋىردىڭ سىن-قاتەرلەرىنە, ونىڭ ىشىندە دەربەس دەرەكتەردى قورعاۋ مەن جەكە ومىرگە قولسۇقپاۋشىلىق ماسەلەلەرىنە جاۋاپ بەرەتىن نورمالار قامتىلعانى ايتىلدى.
پارلامەنت ءماجىلىسىنىڭ دەپۋتاتى, كونستيتۋتسيالىق كوميسسيا مۇشەسى ءۇنزيلا شاپاق جاڭا كونستيتۋتسيا جوباسىنىڭ قۇرىلىمى مەن نەگىزگى جاڭاشىلدىقتارىنا جان-جاقتى توقتالىپ, پرەامبۋلانىڭ جاڭارتىلۋىن, مەملەكەت قىزمەتىنىڭ ىرگەلى قاعيداتتارىنىڭ بەكىتىلۋىن, سونداي-اق قۇجاتتىڭ حالىقارالىق ستاندارتتارعا سايكەستىگىن اتاپ ءوتتى. سونىمەن قاتار كونستيتۋتسيالىق پروتسەستىڭ اشىق ءارى ينكليۋزيۆتى سيپاتىنا جانە كونستيتۋتسيالىق كوميسسيا جۇمىسىنا ايەلدەردىڭ بەلسەندءى قاتىسۋىنا ەرەكشە نازار اۋداردى.
«كونستيتۋتسيالىق كوميسسيانىڭ جۇمىسىندا ايەلدەردىڭ ءۇنى تولىققاندى ءارى مازمۇندى ەستىلىپ جاتىر. ونىڭ قۇرامىندا «AMANAT» پارتياسىنىڭ ايەلدەر قاناتىنان ءۇش وكىل جۇمىس ىستەپ, ناقتى ءارى سالماقتى ۇسىنىستار ەنگىزىپ وتىر. كونستيتۋتسيا جوباسىندا نەكە ايەل مەن ەر ادامنىڭ ەرىكتى ءارى تەڭ قۇقىلى وداعى رەتىندە ايقىندالعان, ونىڭ نەگىزىندە تاراپتاردىڭ ەركىندىگى مەن تەڭدىگى جاتىر. كونستيتۋتسيانىڭ ءاربىر نورماسى بۇكىل زاڭناما جۇيەسىنە تيگىزەتىن ىقپالىن ەسكەرە وتىرىپ قاراستىرىلۋدا», دەءدى ءۇنزيلا شاپاق.
پارلامەنت ءماجىلىسىنىڭ دەپۋتاتى, كونستيتۋتسيالىق كوميسسيا مۇشەسى ۆەرا كيم جاڭا كونستيتۋتسيا جوباسى بويىنشا جۇمىس بىرنەشە اي بويى جۇرگىزىلىپ جاتقانىن جانە كەڭ قوعامدىق تالقىلاۋعا نەگىزدەلگەنىن اتاپ ءوتتى. ول قوعامدىق قاتىسۋدىڭ جاڭا ينستيتۋتتارىن قالىپتاستىرۋعا جانە مەملەكەت پەن قوعام اراسىنداعى تۇراقتى ديالوگ مودەلىنە كوشۋگە ەرەكشە ءمان بەردى.
ەگەمەندىك پەن اۋماقتىق تۇتاستىق كونستيتۋتسيا جوباسىندا وزگەرمەيتىن قۇندىلىق رەتىندە بەكىتىلەدى
«جاڭا كونستيتۋتسيا جوباسى جابىق فورماتتا ەمەس, قوعاممەن اشىق ديالوگ نەگىزىندە ازىرلەنەدى. وسى ۋاقىت ىشىندە شامامەن ءتورت مىڭعا جۋىق ۇسىنىس كەلىپ ءتۇستى جانە ولاردى تالقىلاۋ جالعاسىپ جاتىر. جوبادا جاڭا كونستيتۋتسيالىق ينستيتۋت – حالىق كەڭەسى ەنگىزىلەدى. ول قوعامنىڭ ستراتەگيالىق شەشىمدەردى تالقىلاۋعا قاتىسۋىنىڭ جالپىۇلتتىق ارناسىنا اينالادى. بۇل –مەملەكەت پەن قوعام بىرلەسىپ ەل دامۋىنىڭ نەگىزگى باعىتتارىن ايقىندايتىن جاڭا مودەلگە كوشۋ», دەدى ۆەرا كيم.
ءماجىلىس دەپۋتاتى ەكاتەرينا سمىشلياەۆا ءوز سوزىندە تسيفرلاندىرۋ جاعدايىنداعى ادام قۇقىقتارى مەن كونستيتۋتسيالىق كەپىلدىكتەر ماسەلەسىنە توقتالدى. ونىڭ ايتۋىنشا, جاڭا كونستيتۋتسيا جوباسىندا العاش رەت تسيفرلىق تەحنولوگيالاردى پايدالانا وتىرىپ, دەربەس دەرەكتەردى قورعاۋ جانە حات الماسۋ قۇپيالىلىعى قۇقىعى بەكىتىلىپ وتىر.
جاڭا كونستيتۋتسيا جوباسىن تالقىلاۋ بارىسىندا جەكەمەنشىك ءبىلىم بەرۋ ۇيىمدارى قاۋىمداستىعىنىڭ توراعاسى, ادۆوكات دينارا قۇدايقۇلوۆا ادۆوكاتۋرانىڭ ەرەكشە مارتەبەسىن كونستيتۋتسيالىق دەڭگەيدە بەكىتۋدى كوزدەيتىن 86-باپقا نازار اۋداردى. ونىڭ سوزىنشە, جاڭا نورمالار ءادىل سوت جۇيەسىندەگى ادۆوكاتتاردىڭ ءرولىن كۇشەيتىپ, سالالىق زاڭنامانىڭ ساپاسىن ارتتىرىپ, ازاماتتاردىڭ قۇقىقتارىن سوت ارقىلى قورعاۋ كەپىلدىكتەرىن نىعايتادى.
«AMANAT» پارتياسىنىڭ ماڭعىستاۋ وبلىسى بويىنشا ايەلدەر قاناتىنىڭ جەتەكشىسى, وبلىستىق ءماسليحاتتىڭ الەۋمەتتىك ماسەلەلەر جونىندەگى كوميسسيا توراعاسى پانيا سارمۇرزينا جاڭا كونستيتۋتسيا جوباسى جەرگىلىكتى ءوزىن-ءوزى باسقارۋدى كەڭەيتۋگە, باسقارۋ اشىقتىعىن ارتتىرۋعا قۇقىقتىق نەگىز قالىپتاستىراتىنىن اتاپ ءوتتى. سونىمەن قاتار ول وڭىردە جۇزەگە اسىرىلىپ جاتقان ينفراقۇرىلىمدىق جانە الەۋمەتتىك جوبالارعا, سونداي-اق ايەلدەر مەن وتباسىلاردى قولداۋعا باعىتتالعان پارتيانىڭ ايەلدەر قاناتىنىڭ باستامالارىنا نازار اۋداردى.
شولپان كارينوۆا قورىتىندىلاي كەلە, نەگىزگى زاڭ جوباسى كەڭ قوعامدىق ديالوگ اياسىندا قالىپتاسىپ, ازاماتتاردىڭ ناقتى سۇرانىستارىن ەسكەرەتىنىن اتاپ ءوتتى.
«AMANAT» پارتياسىنىڭ ايەلدەر قاناتى الاڭىندا وتكەن تالقىلاۋ ايەلدەر, بالالار جانە وتباسى قۇقىقتارىن قورعاۋ تۇرعىسىنان ۇسىنىلعان وزگەرىستەردى قاراستىرۋعا مۇمكىندىك بەردى. كەزدەسۋ قورىتىندىسى بويىنشا پارتيانىڭ ايەلدەر قاناتى جاڭا كونستيتۋتسيا جوباسىن قولدايتىنىن ءبىلدىرىپ, وڭىرلەردە ءتۇسىندىرۋ جۇمىستارىن جالعاستىرۋعا دايىن ەكەنىن جەتكىزدى.
