فوتو: 2gis
وقيعا 6 مامىر كۇنى تاڭعى ساعات 09.00 شاماسىندا بولعان. قازاق ۇلتتىق پەداگوگيكالىق ۋنيۆەرسيتەتىنىڭ ستۋدەنتى سەگىزىنشى قاباتتان قۇلاعان. مارقۇم «فيلوسوفيا» ءبىلىم بەرۋ باعدارلاماسى بويىنشا مەملەكەتتىك گرانتتا وقىعان.
ۋنيۆەرسيتەت مالىمەتىنشە, ستۋدەنت وقۋ جىلى ىشىندە پسيحولوگيالىق كومەككە جۇگىنبەگەن, ماماندارعا قارالماعان. سونداي-اق ونىڭ پسيحولوگيالىق جاعدايىنا قاتىستى قانداي دا ءبىر شاعىم نەمەسە الاڭداتاتىن بەلگى تىركەلمەگەن. وقىتۋشىلاردىڭ ايتۋىنشا, ول ساباقتى جاقسى وقىعان, تارتىپتىك ەسكەرتۋ الماعان.
وقۋ ورنىنىڭ باسشىلىعى مارقۇمنىڭ وتباسىمەن كەزدەسىپ, كوڭىل ايتىپ, قاجەتتى جان-جاقتى قولداۋ كورسەتۋگە دايىن ەكەنىن ءبىلدىردى.
جاپپاي توبەلەس: الماتىداعى ەكى ءجاسوسپىرىمنىڭ ولىمىنەن كەيىن قىلمىستىق ءىس قوزعالدى
قازىر وقيعانىڭ ءمان-جايى انىقتالىپ جاتىر, ءتيىستى تەكسەرۋ مەن تەرگەۋ امالدارى جۇرگىزىلۋدە. ۋنيۆەرسيتەت وكىلدەرى وقيعانىڭ ەمتيحان سەسسياسىمەن بايلانىستى ەمەس ەكەنىن اتاپ ءوتتى. ستۋدەنتتىڭ ۇلگەرىمى جاقسى بولعان, الايدا سول كۇنى جوسپارلانعان ەمتيحانعا كەلمەگەن.
الماتى قالالىق پوليتسيا دەپارتامەنتىنىڭ مالىمەتىنشە, مەدەۋ اۋداندىق پوليتسيا باسقارماسى اتالعان دەرەك بويىنشا قىلمىستىق ءىس قوزعادى. قازىرگى تاڭدا وقيعانىڭ سەبەپتەرى مەن بارلىق جاعدايلارى انىقتالىپ جاتىر.
