ولارعا اكىمشىلىك حاتتاما تولتىرىلىپ, 5 ملن تەڭگەگە جۋىق ايىپپۇل سالىندى. وڭىردە زاڭسىز بالىق اۋلاۋشىلارمەن ەكى ايدان بەرى كۇرەس ءجۇرىپ جاتىر. بۇل شاراعا ماڭعىستاۋ مەن اتىراۋدىڭ شەكاراشىلارى اتسالىسۋدا. بىرلەسكەن جۇمىستىڭ ارقاسىندا 500-گە جۋىق بەكىرە تۇقىمداس بالىق, 11 مىڭ قارا بالىق تەڭىزگە قايتادان جىبەرىلدى.
سونىمەن قاتار ۇزىندىعى 250 شاقىرىمدى قۇرايتىن تور تاركىلەنىپ, براكونەرلەردىڭ قارماعىنا ىلىككەن 21 يتبالىق قۇتقارىلدى. شەكاراشىلار مەملەكەتكە كەلەتىن 1 ملرد تەڭگە شىعىننىڭ الدىن الدى.
«بۇگىنگى كۇنى براكونەر سانى ازايماي جاتىر. سوعان سايكەس ءارى قاراي پوليتسيا دەپارتامەنتىنە, ينسپەكتسياعا شەكارا قىزمەتىنەن كومەك بولادى. جالپى, زاڭبۇزۋشىلار قازاقستاننىڭ ازاماتتارى, ماڭعىستاۋ مەن اتىراۋ وبلىسىنىڭ تۇرعىندارى. براكونەرلەر قوس ماتورلى قايىقپەن شىعىپ, شەكارا كاتەرلەرىنەن قاشىپ كەتە المايدى», دەيدى قر ۇقك شەكارا قىزمەتىنىڭ موب جاعالاۋ كۇزەت باسقارماسىنىڭ باستىعى تالعات تورەباەۆ
