«ينۆەستورلارعا قولايلىلىقتى ارتتىرۋ ماقساتىندا ينۆەستيتسيالىق كەلىسىمشارتتار جاساۋ بويىنشا مەملەكەتتىك قىزمەتتەر اۆتوماتتاندىرىلدى. پاندەميالىق جىل بولعانىنا قاراماستان, ءسىم كەلىسىمشارتتاردىڭ سانى مەن سوماسىن ساقتاپ قانا قويماي, سوڭعى 10 جىلدا رەكوردتىق كورسەتكىشكە قول جەتكىزىپ, 635 ملرد تەڭگەگە ينۆەستيتسيالىق كەلىسىمشارتتار جاساي الدى...», دەپ مالىمدەدى ورتالىق كوممۋنيكاتسيالار قىزمەتىندە وتكەن بريفينگتە قر ءسىم ينۆەستيتسيالار كوميتەتى توراعاسىنىڭ مىندەتىن اتقارۋشى ارداق زەبەشەۆ.
ونىڭ ايتۋىنشا, بۇل شارالاردىڭ بارلىعى 2025 جىلى نەگىزگى كاپيتالعا سالىنعان ينۆەستيتسيالار كولەمىن ءجىو-ءنىڭ 30% - ىنا دەيىن, ال تىكەلەي شەتەلدىك ينۆەستيتسيالار كولەمىن 30 ملرد دوللارعا دەيىن جەتكىزۋگە مۇمكىندىك بەرۋى ءتيىس. بۇل جوسپارلار 2025 جىلعا دەيىنگى ۇلتتىق دامۋ جوسپارىنا جانە «نۇر وتان» پارتياسىنىڭ سايلاۋالدى باعدارلاماسىنىڭ شارالارىن ىسكە اسىرۋ جونىندەگى جول كارتاسىنا سايكەس كورسەتىلگەن.
