وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, «دارمەك» جەدەل-الدىن الۋ ءىس-شاراسى كەزىندە 5 اكىمشىلىك قۇقىق بۇزۋشىلىق انىقتالعان. سونداي-اق 2 مەديتسينا قىزمەتكەرىنەن ترامادول ءدارىسىنىڭ 69, تروپيكامەد دارىلىك پرەپاراتىنىڭ 1 280 تابلەتكاسى الىنىپتى.
«ال, 22 جاستاعى جىگىت اتىراۋ قالاسىنداعى ازاتتىق كوشەسىندە پسيحوتروپتىق دارىلەردى زاڭسىز ساتىپ جۇرگەن. تەكسەرۋ كەزىندە 1999 جىلى تۋعان جىگىتتەن 58 دانا ترامادول, 31 دانا تراپيكامەد ءدارى-دارمەگى الىندى. قازىر اتالعان دەرەكتەرگە قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 426-بابىمەن (فارماتسەۆتيكالىق قىزمەتتىڭ جانە دارىلىك زاتتاردىڭ, مەديتسينالىق ماقساتتاعى بۇيىمدار مەن مەديتسينالىق تەحنيكالىق اينالىسى سالاسىنىڭ قاعيدالارىن بۇزۋ) مەديتسينالىق جانە فارماتسەۆتيكالىق باقىلاۋ كوميتەتىنىڭ اتىراۋ وبلىسى بويىنشا دەپارتامەنتىنە شەشىم قابىلداۋ ءۇشىن ءىس-قۇجاتتار جولداندى», دەيدى وبلىستىق پوليتسيا دەپارتامەنتىنىڭ باستىعى, پوليتسيا پولكوۆنيگى قامزا ۇمبەتقاليەۆ.
