مەملەكەتتىك باعدارلامانى جۇزەگە اسىرۋ جوسپارىنىڭ نەگىزىندە قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى مەن «QazAvtoJol» ۇك» اق بىرلەسىپ تولەم الۋدىڭ «اشىق جۇيەسىن» ەنگىزۋ تۋرالى شەشىم قابىلدادى. جۇيەنىڭ ەرەكشەلىگى – ۋچاسكەلەردە شلاگباۋمدار بولمايدى. اۆتوكولىكتەردىڭ ءجۇرىپ وتكەن جولى تۋرالى اقپارات اركالاردا ورنالاسقان ارنايى كامەرالار ارقىلى تىركەلەدى.
«پاۆلودار-سەمەي ۋچاسكەسى ءىى تەحنيكالىق ساناتتاعى اۆتوجول بولعاندىقتان, تەك جۇك كولىكتەردەن عانا تولەم الىناتىن بولادى. الداعى ۋاقىتتا ا پۋنكتىنەن ب پۋنكتىنە دەيىنگى مارشرۋتتى ەسەپتەۋ (ۇزىندىعى مەن باعاسى), جول بويىنداعى بارلىق سەرۆيس نىساندارى كورسەتىلگەن ينتەراكتيۆتى كارتا مەن PUSH حابارلاندىرۋلار دا ىسكە قوسىلادى», دەلىنگەن QazAvtoJol تاراتقان مالىمەتتە.
اقىلى ۋچاسكەگە قاتىستى بارلىق ماسەلەلەر بويىنشا پايدالى اقپارات بەرۋ ءۇشىن سەمەي قالاسىنىڭ شىعابەرىسىندە كليەنتتەرمەن جۇمىس ىستەۋ ورتالىعى ىسكە قوسىلادى. سونداي-اق 1403 نومىرىندەگى بايلانىس ورتالىعىنا دا حابارلاسۋعا بولادى.
