«كوپتەگەن ادامدار اۋەجايدى قايتا جوندەۋدىڭ نە قاجەتى بار دەپ ويلايدى. 2015 جىلى ەلباسى قورعانىس مينيسترلىگىنىڭ بالانسىندا تۇرعان اۋەجايدى بىزگە بەرۋدى تاپسىردى. بۇل ورىندالدى. ءبىرىنشى كەزەكتە جەرگىلىكتى بيۋدجەت ەسەبىنەن ادەمى تەرمينال – اەروۆوكزال عيماراتى سالىندى. قازىر ول تابىستى جۇمىس ىستەپ تۇر, نۇر-سۇلتان, تالدىقورعاننان ۇشاقتار قابىلدايدى. وسىنىڭ ارقاسىندا دەمالۋشىلار سانى ارتىپ كەلەدى. بىراق ۇشۋ-قونۋ جولاعىنىڭ جاي-كۇيى كوڭىل كونشىتپەيدى. سول ءۇشىن جاقىن كورشىلەرىمىزدەن وتىنىشتەر ءتۇسىپ جاتىر. ولار الاكولگە وزدەرىنىڭ چارتەرلىك ۇشاقتارىمەن ۇشقىسى كەلەدى. بىراق ۇشۋ-قونۋ جولاعى وعان مۇمكىندىك بەرمەيدى», دەدى ا. باتالوۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
ول ءۇشىن ەكى بولىكتەن تۇراتىن جوبالىق-سمەتالىق قۇجاتتاما ازىرلەنگەن. ۇشۋ-قونۋ جولاعىنا 4,7 ملرد تەڭگە جانە اەروناۆيگاتسياعا, اۋماقتى قورشاۋعا, كۇزەت دابىل جۇيەسىن ورناتۋعا, جارىقتاندىرۋعا 2,5 ملرد تەڭگەگە جۋىق قاراجات بولىنگەن.
ء«بىزدى ۇكىمەت قولدادى جانە بىزگە 4,7 ملرد تەڭگە ءبولىندى. تەندەر ءراسىمىن وتكىزىپ, جاقسى مەردىگەرلەردى الدىق. مۇنى جىل سوڭىنا دەيىن يگەرۋىمىز كەرەك. جوندەۋ جۇمىستارىن جۇرگىزسەك, بىزگە Boeing 737 ۇشاعى قونا الادى, سوندا تۋريستەر اعىنى دا ارتادى. قالعان 2,5 ملرد تەڭگە جەرگىلىكتى بيۋدجەتتەن ءبولىندى», دەپ ءتۇسىندىردى اماندىق باتالوۆ.
