«قازىرگى ۋاقىتتا تۇركىستان وبلىسىنىڭ تولە بي اۋدانىداعى سايرام-وگەم مەملەكەتتىك ۇلتتىق تابيعي پاركىندە ىزدەۋ جۇمىستارى جۇرگىزىلىپ جاتىر. 21 مامىر كۇنى ساعات 08-00 شاماسىندا قۇرامىندا 7 ادام بار ءبىر توپ تاۋعا تۋريستىك جورىققا شىققان. ولاردىڭ 5 اسۋعا بارماق بولعانى تۋرالى اقپارات بار. ءۇش كۇننەن بەرى جۇرگىزىلىپ جاتقان ىزدەۋ جۇمىستارى ناتيجە بەرمەي وتىر», دەدى ول.
ونىڭ ايتۋىنشا, ىزدەستىرۋ جۇمىسىنا توتەنشە جاعدايلار دەپارتامەنتىنىڭ ماماندارى, جەرگىلىكتى اتقارۋشى ورگانداردىڭ, ۇلتتىق پاركتىڭ جانە شەكارا قىزمەتىنىڭ قىزمەتكەرلەرى, جالپى 50 ادام جۇمىلدىرىلعان. كەشە ولار تاۋ اسۋلارىندا 37 شاقىرىمنان استام جەردى جاياۋ ءجۇرۋ ارقىلى شولىپ شىقتى. سونىمەن قاتار كۆادروكوپتەرلەردىڭ كومەگىمەن راديۋسى 4 شاقىرىمنان اساتىن اۋماق زەرتتەلدى.
«وسى ۋاقىتقا دەيىن تابيعاتتىڭ قولايسىز بولۋىنا, ياعني, تاۋلى اۋدانداردا قار, جاڭبىر جاۋىنا بايلانىستى تىكۇشاق ارقىلى ىزدەۋ مۇمكىن بولمادى. قازىرگى ۋاقىتتا شىمكەنت قالاسىنىڭ اۋەجايىندا تۇرعان ەۆروكوپتەر تىكۇشاعى اۋەگە كوتەرىلىپ, ىزدەۋ جۇمىستارى جۇرگىزۋدە. قوسىمشا تاعى تىكۇشاقتاردى جۇمىلدىرۋ ماسەلەسى شەشىلىپ جاتىر», دەدى ەرىك سارىباەۆ.
