قاۋىپتى ۆيرۋسپەن كۇرەس قارقىنى كۇشەيتىلدى

بۇگىندە كوروناۆيرۋس ىندەتىن جۇق­تىرۋ بويىنشا وڭىردە تاراز قالاسى العا شىعىپ وتىر. مالىمەتكە ساي­كەس, وبلىس ورتالىعىندا قازىرگى كەزەڭ­دە
4 578 ادام قاۋىپتى ىندەتتى جۇقتىر­عان. سونداي-اق بايزاق اۋدانىندا 707, جامبىلدا 421, جۋالىدا 301, قور­دايدا 1 158, ت.رىسقۇلوۆ اۋدانىندا 236, مەركىدە 223, مويىنقۇمدا 168, سارىسۋدا 219, تالاس اۋدانىندا 174 جانە شۋ اۋدانىندا 569 جاعداي انىق­تالعان. سونىمەن قاتار, اسكەرگە شاقىرىلۋشىلار اراسىنان 125 جاع­داي مەن باسقا وبلىس تۇرعىندارى اراسىنان 57 جاعداي تىركەلگەن. وبلىس ورتالىعى مەن ايماقتىڭ بىرقاتار اۋدانىندا دا پنەۆمونيانىڭ جاعدايى انىقتالعان.

قاۋىپتى ىندەتتىڭ الدىن الۋ جانە تۇرعىنداردى قورعاۋ ماقساتىندا وڭىر­دە بىرقاتار جۇمىس ۇيىمداس­تىرىلۋدا. «بيىلعى 25 مامىر كۇنگى اقپارات بويىنشا, 2 580 ورىن­دىق ينفەكتسيالىق ستاتسيو­نارلاردا 917, ونىڭ ىشىندە 250 توسەكتىك ورىندا 76 ناۋقاس ەم قابىلداۋدا. كارانتيندىك ستاتسيونارلارعا 13 تۇلعا ورنا­لاستىرىلعان. وڭىردەگى 10 زەرتحا­نادا جالپى تاۋلىگىنە شامامەن
2 600-2 800 پتر زەرتتەۋ جۇرگىزىلۋدە», دەيدى وبلىستىق دەنساۋلىق ساقتاۋ باسقارماسىنىڭ باسشىسى اسەت قاليەۆ. سونىمەن قاتار جالپى وبلىس بويىنشا 22 دەنساۋلىق ساقتاۋ ۇيىم­دارىندا 42 ەگۋ پۋنكتى بار. ولاردىڭ ىشىندە 14 پۋنكت تاراز قالاسىندا جانە 28 پۋنكت اۋدانداردا ورنالاسقان.

بيىل 1 اقپاننان باس­تاپ وبلىسقا 1 مىڭ ادامعا ارنالعان 2 مىڭ دوزا QazCovid-in ۆاكتسيناسى, 92 700 دوزا سپۋتنيك V ۆاكتسي­ناسىنىڭ 1 كومپونەنتى  جانە 71 600 دوزا 2 كومپونەنتى مەن 27 مىڭ دوزا Hayat Vax ۆاكتسيناسى كەلدى. اتالعان باس­قارمانىڭ مالىمەتىنشە, جالپى وسىممەن 102 423 تۇلعا سپۋتنيك V ۆاكتسيناسىنىڭ 1-كومپونەنتىمەن, ونىڭ ىشىندە 1 459 تۇلعا وتاندىق ۆاكتسينامەن, 92 041 تۇلعا سپۋتنيك V جانە 9 380 تۇلعا Hayat Vax ۆاكتسيناسىمەن ەكپە العان. ونىڭ ىشىندە 13 379 ادام مەديتسينا قىزمەتكەرلەرى, 18 295 ادام وبلىستاعى ءبىلىم بەرۋ مەكەمەلەرىنىڭ قىزمەتكەرلەرى, 15 842 ادام ارنايى كۇشتىك قۇرىلىم قىزمەتكەرلەرى, 2 115 ادام مەملەكەتتىك قىزمەتشىلەر جانە 52 792 باسقا دا تۇلعالار بار. «ۆاكتسينانىڭ 2-كومپونەنتى وسىممەن 36 264 تۇلعاعا ەكپە جۇرگىزىلدى. ەگۋدەن كەيىنگى اسقىنۋلار تىركەلگەن جوق. بۇگىنگە وتاندىق ۆاكتسينانىڭ 582, Hayat Vax ۆاكتسيناسىنىڭ 17 618 دوزاسى, سپۋتنيك V 1-كومپونەنتتىڭ 659, 2-كومپونەنتتىڭ 35 911 دوزاسى قالدى», دەيدى ءا.قاليەۆ.

جامبىل وبلىسى