ويىنعا جەر جانە قورشاعان ورتانى زەرتتەۋ مەكتەبىنىڭ «ادىلدىك ليگاسى», ماشينا جاساۋ مەكتەبىنىڭ «تازا قول», بيزنەس جانە كاسىپكەرلىك مەكتەبىنىڭ «ادىلەت اليانسى» جانە جوعارى IT-كوللەدجدىڭ «بەس مىڭ» كومانداسى قاتىستى. قازىلار القاسى قاتارىندا شىعىس قازاقستان تەحنيكالىق ۋنيۆەرسيتەتىنىڭ ءبىرىنشى پرورەكتورى ساۋلە راحمەتۋللينا, قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ شقو بويىنشا دەپارتامەنتى, پرەۆەنتسيا جانە پاراساتتىلىق باسقارامىسىنىڭ باسشىسى ارحات بەيسەمباەۆ, شىعىس — ادالدىق الاڭى» جوبالىق كەڭسەسىنىڭ جەتەكشىسى, شىعىس قازاقستان وبلىستىق ءماسليحاتى دەپۋتاتى مارجان باحىت, الەۋمەتتىك تاربيە جۇمىسى جانە ازاماتتىق دامۋ باسقارماسىنىڭ باسشىسى اقمارال تۇرسىنبەكقىزى قازىكەشوۆا, قازاقستان پرەزيدەنتى جانىنداعى مەملەكەتتىك باسقارۋ اكادەمياسىنىڭ شقو بويىنشا فيليالىنىڭ اعا وقىتۋشىسى گۋلفيا بەرەكپولوۆا جانە وبلىستىق «ديدار» گازەتىنىڭ ءتىلشىسى مەيرامتاي يمانعالي بولدى.
ويىنعا كىرىسپەس بۇرىن كوماندالار وزدەرىن تانىستىرىپ, ۇستانىمدارىن جەتكىزدى. «سيتۋاتسيالىق كەيس-تاپسىرمالاردى» شەشۋدە قاتىسۋشىلار ءسوز شەبەرلىگىن كورسەتىپ, ءوز پىكىرلەرىن دالەلدەۋگە تىرىستى. كەلەسى «ادالدىقتى مۇرا ەتكەن ۇلى اباي» بولىمىندە ستۋدەنتتەر ابايدىڭ قارا سوزدەرىن بىلۋدەن كىل مىقتىدان كىم مىقتى ەكەنىن انىقتاپ, قارا جاشىك سۇراقتارىنا جاۋاپ بەردى. كوماندا كاپيتاندارى دا «جاعداياتتى شەش» تۋرىنا قاتىسىپ, ءوز بىلىمدەرىن كورسەتە ءبىلدى. سونىمەن قاتار, قاتىسۋشىلار ارنايى باعدارلاما ارقىلى اكادەميالىق ادالدىق تاقىرىبىندا تەست شىعارىپ, ءۇي جۇمىستارىن كورسەتتى. ءار كوماندا تەاترلاندىرىلعان كورىنىس قويدى.
ءادىل قازىلار القاسى شەشىمى بويىنشا ءبىرىنشى ورىندى بيزنەس جانە كاسىپكەرلىك مەكتەبىنىڭ «ادىلەت اليانسى» كومانداسى ەنشىلەدى.
ەسكە سالا كەتەيىك, «AntiParaCraft -2021» العاشقى ستۋدەنتتىك جەمقورلىققا قارسى كۆەست ويىنىن شوقان ءۋاليحانوۆ اتىنداعى كوكشەتاۋ ۋنيۆەرسيتەتى وتكىزىپ, چەلەندج جولداعان بولاتىن, داۋلەت سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەت ستۋدەنتتەرى اتالمىش چەلەندجدى شاكارىم اتىنداعى سەمەي ۋنيۆەرسيتەتى ستۋدەنتتەرىنە جولدادى.
