ءال-فارابي اۋدانىنداعى الىمبەتوۆ كوشەسى №45ۆ ءۇي اۋلاسى مەن تەكەسۋ تۇرعىن الابىندا پايدالانۋعا بەرىلگەن سپورت الاڭشالارى جەكە كاسىپكەر سەرىك تۋلباسوۆتىڭ جەكە قورى دەمەۋشىلىگى ەسەبىنەن سالىندى.
جاڭا نىساننىڭ اشىلۋ سالتاناتىنا قاتىسقان قالا اكىمىنىڭ ورىنباسارى ماقسۇت يساحوۆ بۇقارالىق سپورتتىڭ دامۋىنا ءوز ۇلەسىن قوسىپ جۇرگەن مەتسەناتتارعا العىسىن ءبىلدىردى.
«قازىرگى تاڭدا شىمكەنت قالاسى اۋماعىندا اۋلا ىشىلىك 231 سپورت الاڭشاسى بولسا, بيىل بيۋدجەت ەسەبىنەن قالا اۋماعىنا قوسىمشا 101 سپورت الاڭىن سالۋ جوسپارىمىزدا بار. ال, ءال-فارابي اۋدانى اۋماعىندا بيىلعى جىلى ءوڭىرىمىزدىڭ كاسىپكەرى سەرىك تۋلباسوۆتىڭ جەكە قورى دەمەۋشىلىگى ەسەبىنەن 7 سپورت الاڭشاسى سالىنىپ, پايدالانۋعا بەرىلەتىن بولادى. بۇگىن سول سپورت الاڭشاسىنىڭ ەكەۋى حالىق يگىلىگىنە بەرىلىپ وتىر. بۇقارالىق سپورتتىڭ دامۋىنا ءوز ۇلەسىن قوسىپ, وسكەلەڭ ۇرپاقتىڭ مۇددەسىن ويلاپ جۇرگەن جومارت ازاماتتارعا العىسىمىز شەكسىز! قوعامعا پايدالى ىستەرىڭىزدى قالا تۇرعىندارى ۇمىتپايدى», دەدى قالا باسشىسىنىڭ ورىنباسارى.
سپورت الاڭدارى ۆوركاۋتپەن اينالىسۋعا ارنالعان سپورتتىق جابدىقتارمەن جانە دەنە جاتتىعۋلارىنا ارنالعان قۇرالدارمەن جاراقتاندىرىلعان.
پرەزيدەنت تاپسىرماسىنا وراي, قالادا بيىلعى جىلى دەنە شىنىقتىرۋمەن جانە سپورتپەن شۇعىلدانۋشىلار كورسەتكىشىن 31% ۇلعايتۋ جوسپارلانۋدا.
