قالا اكىمىنىڭ ايتۋىنشا, وسى جىلى «جۇمىسپەن قامتۋ جول كارتاسى» باعدارلاماسى 3 باعىت بويىنشا ىسكە اسىرىلاتىن بولادى. ءبىرىنشى باعىت بويىنشا 5,5 ملرد تەڭگەگە 13 نىساننىڭ قۇرىلىسىن جۇرگىزۋ, ەكىنشى باعىتتا 1,5 ملرد تەڭگەگە ميكروكرەديتتەر بەرۋ, ءۇشىنشى باعىت بويىنشا 7,1 ملرد تەڭگەگە بيزنەس سۋبەكتىلەرىنە قولداۋ كورسەتۋ قاراستىرىلعان.
وسى اتاپ وتكەن باعىتتاردى ناتيجەلى جۇزەگە اسىرعان كەزدە 6,5 مىڭ ادام تازا سۋمەن قامتىلادى. سونىمەن قاتار 392 جۇمىس ورنى قۇرىلادى. ال ەكىنشى باعىت بويىنشا ورتاشا ەسەپپەن 4,2 ملن تەڭگە مولشەرىندە 6%-عا دەيىنگى سىياقى مولشەرلەمەسىمەن 357 جوباعا بەرىلگەن جاعدايدا 757 تۇراقتى جۇمىس ورىندارى قۇرىلادى. سونىمەن بىرگە, بيۋدجەت كىرىستەرىنە كەمىندە 45 ملن تەڭگە سالىق تۇسەتىن بولادى دەپ كۇتىلۋدە. باعدارلامانىڭ ءۇشىنشى باعىتى اياسىندا 70-كە جۋىق جوبالاردى ىسكە اسىرۋ جانە 280 ادامدى جۇمىسپەن قامتۋ جوسپارلانۋدا.
