اكىمنىڭ ايتۋىنشا, مەملەكەتتىك باعدارلامانىڭ اياسىندا جۇزەگە اسىرىلعان جوبالاردىڭ ىشىندە 111-ءى ينجەنەرلىك ترانسپورتتىق ينفراقۇرىلىمدا, 45 جوبا الەۋمەتتىك – مادەني نىساندار, 45 جوبا تۇرعىن ءۇي كوممۋنالدىق شارۋاشىلىق بولسا, 38 جوبا اباتتاندىرۋ ەكەن.
«وسى باعدارلامانىڭ جۇزەگە اسىرىلۋىنىڭ ناتيجەسىندە وتكەن جىلى 8 753 جۇمىس ورىندارى اشىلدى, سونداي-اق 634 ادام تۇراقتى جۇمىسپەن قامتىلدى. ال توزىعى جەتكەن 15 ءبىلىم مەكەمەلەرىنىڭ عيماراتى كۇردەلى جوندەۋدەن وتكىزىلدى. ءۇش اۋسىمدا ءبىلىم بەرۋدىڭ الدىن الۋ ماقساتىندا ەكى مەكتەپ جانىنان قوسىمشا 300 ورىندىق وقۋ كورپۋسى سالىنىپ ەكى اۋسىمدا 1200 بالا ءبىلىم الۋعا مۇمكىندىكتەر تۋدى. توعىز مەكتەپكە سپورت الاڭشالارى ورنالاستىرىلىپ, 11 مىڭ بالاعا زامانعا ساي سپورتپەن اينالىسۋىنا جاعداي جاسالىندى», دەدى قالا اكىمى.
سونىمەن بىرگە 27 مىڭعا جۋىق ادام ساپالى اۋىز سۋمەن جانە 5 مىڭ ادام ساپالى ەلەكتر قۋاتىمەن قامتىلعان. كارىزبەن قامتىلعان تۇرعىندار سانى 12 مىڭ ادامعا ارتىپ, قامتىلۋ كورسەتكىشى 49,1%-دان, 50,2%-عا دەيىن وسسە, جىلۋ قۇبىرلارىنىڭ توزۋ دەڭگەيى 42,7%-38%-عا تومەندەگەن. بۇدان بولەك, «وتەمىس» كانالىنىڭ ارناسى كۇردەلى جوندەۋدەن وتسە, 109 اۆتوموبيل جولدارى جوندەۋدەن وتكىزىلدى. ال 106 كوپ قاباتتى تۇرعىن ءۇيدىڭ 66 اۋلاسى اباتتاندىرىلىپ, بالالار ويىن الاڭشاسى ورناتىلعان.
بۇل جۇمىستاردىڭ بارلىعى جۇمىسپەن قامتۋدىڭ جول كارتاسى اياسىندا جۇزەگە اسىرىلعان.
