جازعا سالىم كولىك اعىنى كوبەيەدى. پوليتسەيلەر ءبىر اي بويى جول-كولىك وقيعالارىنىڭ الدىن الۋ ءۇشىن قالا سىرتىنداعى تراسسالاردا كۇشەيتىلگەن رەجيمدە جۇمىس ىستەيتىن بولادى.
اسىرەسە, ماس كۇيدە كولىك تىزگىنىنە وتىرعاندار, جىلدامدىقتى ارتتىرعاندار, قارسى جولاققا شىعىپ, اپاتتىق جاعداي تۋىنداتقاندارعا ەرەكشە نازار اۋدارىلادى. جەدەل الدىن الۋ ءىس-شاراسىن جۇرگىزۋدىڭ بەس كۇنىندە عانا 7 345 اكىمشىلىك قۇقىق بۇزۋشىلىق انىقتالدى. اتاپ ايتساق, 30 جۇرگىزۋشى قارسى جولاققا شىقسا, 514-ءى جىلدامدىقتى اسىرعان. ماس كۇيدە رولگە وتىرۋ دا تىيىلماي تۇر. بەس كۇنى ىشىندە ىشىمدىك ءىشىپ كولىك باسقارعان 47 ازامات انىقتالدى. سونداي-اق, جاياۋ جۇرگىنشىلەرگە جول بەرمەگەندەر, كولىك تىزگىنىندە تەلەفون پايدالانعاندار دا بار.
«قاۋىپسىز جول» الدىن الۋ جۇمىستارى ءالى دە جالعاسادى. وسى ورايدا پوليتسيا دەپارتامەنتى قىزمەتكەرلەرى جول قوزعالىسىنىڭ بارلىق قاتىسۋشىلارىنان جول قوزعالىسى ەرەجەلەرىن ساقتاۋدى جانە جولداردا وتە مۇقيات بولۋدى سۇرايدى.
