قازاقستان • 23 مامىر، 2021

قازاقستاننىڭ بىرنەشە ايماعىندا داۋىلدى ەسكەرتۋ جاريالاندى

10 رەت كورسەتىلدى

كازگيدرومەت ەلىمىزدىڭ بىرنەشە ايماعىندا اۋا رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى Egemen.kz  «كازگيدرومەتكە» سىلتەمە جاساي وتىرىپ.

اتاپ ايتقاندا، كۇندىز ماڭعىستاۋ وبلىسىندا شاڭدى داۋىل كۇتىلەدى. وڭتۇستىك-شىعىستان، وڭتۇستىكتەن سوعاتىن جەلدىڭ كۇشى كەي جەرلەردە 15-18 م/س ارتادى. كۇندىز جەكەلەگەن اۋماقتاردا 38-42 گرادۋس قاتتى ىستىق بولجانادى.

باتىس قازاقستان وبلىسىندا 39 گرادۋسقا دەيىن قاتتى ىستىق بولادى. جەل وڭتۇستىك-شىعىستان، وڭتۇستىكتەن سوعادى، كۇندىز ەكپىنى 15-20 م/س قۇرايدى.

قىزىلوردا وبلىسىنىڭ كەي جەرلەرىندە شاڭدى داۋىل تۇرادى. سولتۇستىك-شىعىستان سوعاتىن جەلدىڭ جىلدامدىعى 25 م/س ارتۋى ىقتيمال.

اتىراۋ وبلىسىندا كەي جەرلەردە شاڭدى داۋىل كۇتىلەدى. وڭتۇستىك-شىعىستان جەل سوعادى، كۇشى جەكەلەگەن اۋماقتاردا 15-20 م/س بولادى. كۇندىز 39 گرادۋس قاتتى ىستىق ساقتالادى.

كۇندىز تۇركىستان وبلىسىنىڭ تاۋلارىندا نايزاعاي كۇتىلەدى. كەي جەرلەردە شاڭدى داۋىل تۇرادى. سولتۇستىك-شىعىستان سوعاتىن جەلدىڭ كۇشى 15-20 م/س، ەكپىنى 23 م/س بولادى.

شىمكەنت قالاسىندا سولتۇستىك-شىعىستان 15-20 م/س كۇشپەن جەل سوعادى.

كۇندىز قوستاناي وبلىسىندا 36 گرادۋسقا دەيىن قاتتى ىستىق كۇتىلەدى. كۇندىز سولتۇستىك قازاقستان وبلىسىندا وڭتۇستىك-باتىستان جەل سوعادى، كەي جەرلەردە كۇشى 25 م/س كجەتەدى. 35-36 گرادۋس ىستىق بولجانادى.

كۇندىز 23-25 مامىردا جامبىل وبلىسىندا تاۋدا نايزاعاي، بۇرشاق كۇتىلەدى. 23-25 مامىردا كەي جەرلەردە سولتۇستىك-شىعىستان جەل سوعادى، ەكپىنى 25 م/س جەتەدى.

سوڭعى جاڭالىقتار

ۇقساس جاڭالىقتار