بۇل كۇندەرى امماندا (يوردانيا) تاەكۆوندودان ازيا قۇرلىقتىق ىرىكتەۋ ءتۋرنيرى ءوتىپ جاتىر.
80 كەلىدەن جوعارى سالماق دارەجەسىندە سىنعا تۇسكەن قازاقستاندىق رۋسلان جاپاروۆ فينالعا جولداما الدى. جارتىلاي فينالدا ول WT اتىنان شىققان سپورتشى اميري الي اكباردى 31:20 ەسەبىمەن ۇتتى.
وليمپياداعا ىرىكتەۋ جارىسىنىڭ ەرەجەسى بويىنشا قۇرلىقتىق دودادا فينالعا شىققان سپورتشىلار اۆتوماتتى تۇردە وليمپيادا جولداماسىنا يەلىك ەتەدى. جارىس ەرەجەسىنە ساي, رۋسلان جاپاروۆ قازاقستان قورجىنىنا كەزەكتى جولدامانى سالدى.
ايتا كەتەرلىگى, بۇل قازاقستان تاەكۆوندو قۇراماسىنىڭ ەكىنشى جولداماسى. وسىعان دەيىن ايەلدەر اراسىندا جانسەل دەنيز جولداما جەڭىپ العان بولاتىن.
