كونفەرەنتسيادا قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن.نازارباەۆتىڭ جاھاندىق باستامالارىن جانە الەمدىك ارەناداعى قازاقستاندىق مودەلدى ناسيحاتتاۋ, مادەنيەتتەردى جاقىنداستىرۋ ءۇشىن كۇش بىرىكتىرۋ, سونىمەن قاتار ورتالىق ازيا ەلدەرىنىڭ مادەني-گۋمانيتارلىق سالاسىنداعى ايماقتىق ىنتىماقتاستىقتى ودان ءارى تەرەڭدەتۋ ماسەلەلەرى قارالدى.
ونلاين-كونفەرەنتسياعا قازاقستان رەسپۋبليكاسى اقپارات جانە قوعامدىق دامۋ مينيسترلىگى ءدىن ىستەرى كوميتەتى توراعاسىنىڭ ورىنباسارى ب.باكيروۆ, كونفەسسياارالىق جانە وركەنيەتارالىق ديالوگتى دامىتۋ جونىندەگى ن.نازارباەۆ ورتالىعىنىڭ باسقارما توراعاسى ب.سارسەنباەۆ, قىرعىزستاننىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ج.كۋلۋباەۆ, تۇرىكمەنستاننىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ب.رەدجەپوۆ, تۇرىكمەنستان مادەنيەت ءمينيسترىنىڭ ورىنباسارى ن.شيريموۆ, اۋعانستان قاجىلىق جانە ءدىن ءمينيسترىنىڭ ورىنباسارى م. وسمان تاريك, وزبەكستان مينيسترلەر كابينەتى جانىنداعى يسلام وركەنيەتى ورتالىعى ديرەكتورىنىڭ ورىنباسارى ف.حاليموۆ, بۇۇ جاھاندىق كوممۋنيكاتسيا دەپارتامەنتىنىڭ باستىعى ۆ.سامەك, تۇرىكمەن مەملەكەتتىك ۋنيۆەرسيتەتىنىڭ پرورەكتورى د.انناەۆ, تاجىكستاننىڭ مادەنيەت جانە اقپارات عىلىمي-زەرتتەۋ ينستيتۋتىنىڭ ديرەكتورى د.راحيمي, قىرعىزستاننىڭ ۇلتتىق ستراتەگيالىق زەرتتەۋلەر ينستيتۋتىنىڭ ديرەكتورى ۋ.احمەتوۆ, يۋنەسكو-نىڭ ورتالىق ازياداعى كلاستەرلىك بيۋروسىنىڭ ديرەكتورى م.ا. ك.توۆماسيان, تاجىكستاننىڭ مادەنيەت جانە اقپارات عىلىمي-زەرتتەۋ ينستيتۋتى ديرەكتورىنىڭ ورىنباسارى ش.كوميلزودا, وزبەكستان يسلام وركەنيەتى ورتالىعى ءبولىمىنىڭ باستىعى س.حولحودجاەۆ, قازۇۋ الەۋمەتتىك دامۋ جونىندەگى پرورەكتور م.ا. ا. ماساليموۆا, قازۇۋ ءدىنتانۋ جانە مادەنيەتتانۋ كافەدراسىنىڭ مەڭگەرۋشىسى ا.قۇرماناليەۆا قاتىسىپ, تۇشىمدى پىكىرلەرىمەن ءبولىستى.
ن.نازارباەۆ ورتالىعىنىڭ باسقارما توراعاسى بولات سارسەنباەۆ حالىقارالىق فورۋمعا قاتىسۋشى ساراپشىلارعا ءوز العىسىن ءبىلدىردى. سونىمەن قاتار, قىرعىزستان مەن تاجىكستان اراسىنداعى مەملەكەتتىك شەكاراداعى قارۋلى قاقتىعىسقا الاڭداۋشىلىق بىلدىرە وتىرىپ, قازاقستان پرەزيدەنتى ق.توقاەۆتىڭ قىرعىز جانە تاجىك حالىقتارى ءبىز ءۇشىن تاريحى, مادەني قۇندىلىقتارى ورتاق باۋىرلاس ەل دەگەن تۇجىرىمداماسىنا توقتالدى.
ب.سارسەنباەۆ ءوزىنىڭ قۇتتىقتاۋ سوزىندە الەمدىك جانە ءداستۇرلى دىندەر ليدەرلەرى سەزىنىڭ ءدىني تولەرانتتىلىق پەن وركەنيەتارالىق ديالوگتى نىعايتۋداعى ماڭىزدى ءرولىن اتاپ ءوتتى. سونداي-اق, بۇگىنگى كونفەرەنتسياعا قاتىسۋشىلار الدىندا باستى مىندەت - جالپى مادەني مۇرانى ساقتاي وتىرىپ, ورتالىق ازيانى گۇلدەنگەن ايماققا اينالدىرۋ ەكەنىن جەتكىزدى.
«ديالوگ - ايماقتاعى دوستىق, ءوزارا تۇسىنىستىك پەن تۇراقتىلىق اتموسفەراسىن نىعايتۋدىڭ ەڭ سەنىمدى ءتاسىل. مادەنيەتتەر مەن حالىقتار اراسىنداعى تاتۋلىقتى ورتاق مۇددە, جالپىعا ورتاق قاعيدات نەگىزىندە دامىتۋ مۇمكىن بولادى», دەدى ن.نازارباەۆ ورتالىعىنىڭ باسشىسى.
بولات سارسەنباەۆتىڭ پىكىرىن قولداي وتىرىپ, حالىقارالىق ساراپشىلار سەز شەڭبەرىندەگى ەلباسى ن.نازارباەۆتىڭ ايرىقشا ۇلەسىنە جانە قازاقستان رەسپۋبليكاسىنىڭ پرەزيدەنتى ق.توقاەۆتىڭ ءارتۇرلى كونفەسسيالار اراسىنداعى بەيبىتشىلىك پەن كەلىسىم مودەلىن قۇرۋداعى ايرىقشا رولىنە باسا نازار اۋداردى.
سونىمەن قاتار كونفەرەنتسياعا قاتىسۋشىلار زاماناۋي پروگرەسسيۆتى الەمدە ەڭ الدىمەن, الەۋمەتتىك, ساياسي جانە ەكونوميكالىق سالالارىندا رۋحاني ۇندەستىك پەن كورشىلىك ىنتىماقتاستىقتىڭ بىرىكتىرۋشى فاكتورى بولىپ تابىلاتىندىعىن راستادى.
ءىس-شارانى جالعاستىرا وتىرىپ, ساراپشىلار مادەني-گۋمانيتارلىق جانە وركەنيەتارالىق ديالوگ باعىتىندا كوپجاقتى ءىس-قيمىلدى دامىتۋ ماسەلەلەرىن, ونىڭ ىشىندە كونفەرەنتسياعا قاتىسۋشى ەلدەردىڭ ايماقارالىق قاتىناستارىن تالقىلادى.
شەتەلدىك جانە قازاقستاندىق ساراپشىلاردىڭ سوزدەرىن قورىتىندىلاي كەلە, ن.نازارباەۆ ورتالىعىنىڭ باسقارما توراعاسى ب.سارسەنباەۆ بۇگىنگى ونلاين-كونفەرەنتسيا نەگىزگى مىندەتتەردى ءىس جۇزىندە شەشۋگە, العا جىلجۋعا ىقپال ەتەتىن تاعى ءبىر قادام بولاتىنىنا سەنىم ءبىلدىردى.
«ورتالىق ازيا ەلدەرىنىڭ XXI عاسىرداعى مادەنيەتتەر تاتۋلاستىعى» حالىقارالىق ونلاين-كونفەرەنتسياسىنىڭ قورىتىندىسى بويىنشا قاتىسۋشىلار كونفەسسياارالىق جانە وركەنيەتارالىق ديالوگ ماسەلەلەرىن ودان ءارى زەردەلەۋ, ماسەلەلەردى شەشۋدە ءوزارا ءىس-قيمىلدىڭ تۇراقتى مەحانيزمدەرىن قالىپتاستىرۋ بويىنشا ءتيىستى ۇسىنىستار ازىرلەدى. سونداي-اق, ورتالىق ازيا ەلدەرىنىڭ, الەمدىك جانە ءداستۇرلى دىندەر ليدەرلەرى سەزى مەن ونىڭ ينستيتۋتتارى اراسىندا ىنتىماقتاستىقتى جانداندىرۋعا كەلىستى.
