ايماقتار • 21 مامىر, 2021

اباي ەسكەرتكىشىنە جۇمىرتقا لاقتىرعان ەر ادام كەشىرىم سۇرادى

363 رەت

كورسەتىلدى

1 مين

وقۋ ءۇشىن

پاۆلوداردا سۇيىكتىسىمەن ۇرىسىپ قالعان تۇرعىن اكىمدىك عيماراتى جانىنداعى اباي ەسكەرتكىشىنەن ءوشىن العان. ەر ادام ەسكەرتكىشكە جۇمىرتقا مەن دارەتحانا قاعازىن لاقتىردى, دەپ حابارلايدى Egemen.kz.

گاۋھار قاپاش

اباي ەسكەرتكىشىنە جۇمىرتقا لاقتىرعان ەر ادام كەشىرىم سۇرادى

وقيعادان كەيىنگى كورىنىستى كۋاگەرلەر ۆيدەوعا ءتۇسىرىپ العان. كادرلاردان اباي قۇنانباەۆتىڭ ەسكەرتكىشىندە لاستانعان ىزدەر قالعانى, ال ماڭايىندا دارەتحانا قاعازى مەن جۇمىرتقا قابىعى شاشىلىپ جاتقانىن كورۋگە بولادى.

Instagram الەۋمەتتىك جەلىسىندە ۆيدەو پايدا بولعاننان كەيىن پوليتسيا قىزمەتكەرلەرى كىنالى ەر ادامدى ۇستاعان. ول 21 جاستاعى پاۆلودارلىق بولىپ شىقتى.

«ەر ادام ءوز ارەكەتىن سۇيىكتىسىمەن ۇرىسىپ قالعاننان كەيىن ماس كۇيىندە جاساعانىن ءتۇسىندىردى. ول قر اقبتك-ءنىڭ 434-بابى «ۇساق بۇزاقىلىق» بويىنشا جاۋاپقا تارتىلدى. ماتەريال شەشىم قابىلداۋ ءۇشىن سوتقا جىبەرىلدى», دەدى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى وكىلى.

باپ سانكتسياسى ون تاۋلىك مەرزىمگە اكىمشىلىك قاماۋعا الۋدى كوزدەيدى.

سونىمەن قاتار ءتارتىپبۇزۋشى قر اقبتك-نىڭ 440-بابى بويىنشا قوعامدىق ورىندا ماس كۇيىندە بولعانى ءۇشىن اكىمشىلىك جاۋاپكەرشىلىككە تارتىلىپ, وعان بەس ايلىق ەسەپتىك كورسەتكىشتە ايىپپۇل سالىنعان.

سونداي-اق پاۆلودارلىق ءوز ارەكەتى ءۇشىن وكىنەتىنىن ايتىپ, ەلدەن كەشىرىم سۇرادى.