مامانداردىڭ ايتۋىنشا, قالا اۋماعىن ساپالى ينتەرنەتپەن قامتاماسىز ەتۋدىڭ ەكىنشى كەزەڭىنە سايكەس 14 جەر تەلىمى انىقتالعان. بەلگىلەنگەن 8 جەرگە اكىمدىك, «Shymkent» الەۋمەتتىك كاسىپكەرلىك كورپوراتسياسى جانە جەكە ينۆەستورمەن بىرلەسە انتەننا-ماتچتالىق قۇرىلعىلار, قالعان 6 جەرگە ءموبيلدى بايلانىس وپەراتورلارى تاراپىنان كوممەرتسيالىق وبەكتىلەرگە بازالىق ستانتسيالاردى ورناتۋ جۇمىستارى جۇرگىزىلۋدە.
ولاردىڭ ىشىندە: ا2 جانە ر-32 تراسساسى, اەروپورت ماڭى, «226 ورام», «سولتۇستىك-باتىس», «قاينار بۇلاق» ساياجاي الابى مەن «تاسساي», «قۇرساي», «سامال-3», «ىنتىماق-2», «دوستىق», «اسار» شاعىن اۋداندارى جانە «زابادام», «ابدۋلاباد» تۇرعىن الاپتارى بار.
«قازىرگى تاڭدا, «ىنتىماق-2» شاعىن اۋدانىنا انتەننا-ماتچتالىق قۇرىلعى ورناتىلىپ ەلەكتر-ەنەرگياسىنا جالعاۋ جۇمىستارى جۇرگىزىلسە, «تاسساي» ەلدى مەكەنىنە مەردىگەر كومپانيا تاراپىنان انتەننا-ماتچتالىق قۇرىلعى ورناتىلۋدا. الايدا تۇرعىندار تاراپىنان راديوفوبياعا بايلانىستى ءارتۇرلى قاۋەسەت سوزدەردى ەستۋ ارقىلى بازالىق ستانتسيانىڭ ورناتىلۋىنا قارسىلىقتار بىلدىرۋدە», دەدى باسقارما ماماندارى.
سالالىق ماماندار قالا تۇرعىندارىنا بازالىق ستانتسيا پاتەر, جەكە جەر ءۇي تۇرعىندارىنا ەش زيانى جوق ەكەندىگىن مالىمدەدى. ولاردىڭ ايتۋىنشا, بازالىق ستانتسيانىڭ تولقىنى, ۇيدە كۇندە تۇرمىستا قولداناتىن قىسقا تولقىندى پەشتىڭ تولقىنى كولەمىندە. بازالىق ستانتسيالار بارلىق بەكىتىلگەن سانيتارلىق-ەپيدەميولوگيالىق نورمالارعا ساي ورناتىلادى. بۇل تەحنولوگيا بارلىق ەلدەردە قولدانىلۋدا.
