اتالعان اكتسيا اياسىنداعى رەيد كەزىندە قامىس اراسىنا جاسىرىلعان ءۇش جۇردەك قايىق تابىلدى.
اتىراۋ وبلىسىندا 18 مامىردا قۇرامىندا بالىق قورعاۋ, پوليتسيا, شەكارا قىزمەتى, تابيعات قورعاۋ پروكۋراتۋراسىنىڭ قىزمەتكەرلەرى بار ءموبيلدى توپ رەيدتىك ءىس-شارا وتكىزدى. ءىس-شارا كەزىندە كاسپي تەڭىزىنىڭ سولتۇستىك بولىگىنءىڭ جاعالاۋىنداعى يساتاي اۋدانىنىڭ جانباي, زينەدەن ەلدى مەكەندەرى قامتىلدى. رەيدكە تىكۇشاق پەن جىلدام جۇرەتىن كاتەرلەر جۇمىلدىرىلدى.
«تەڭىزگە تاياۋ ورنالاسقان جانباي اۋىلىنىڭ ماڭىنداعى قامىس اراسىنان تابىلعان «ياماحا-200» اسپالى موتورى بار «بايدا» ۇلگىسىندەگى ءۇش جۇردەك قايىق, تاركىلەنىپ, اتىراۋ قالاسىنداعى ايىپ تۇراعىنا جەتكىزىلدى. اتالعان دەرەككە قاتىستى پوليتسيا قىزمەتكەرلەرى قر ءاكىمشىلىك قۇقىقبۇزۋشىلىق تۋرالى كودەكسىءنىڭ 512-بابىمەن(قازاقستان رەسپۋبليكاسىنىڭ اۋماقتىق سۋلارىنىڭ (تەڭىزىنىڭ) جانە ىشكى سۋلارىنىڭ رەجيمدەرىن بۇزۋ) اكىمشىلىك حاتتاما تولتىردى. جيناقتالعان ءىس-قۇجاتتارى ءجۇزۋ قۇرالدارىنىڭ يەلەرىن انىقتاۋ ءۇشىن كولىكتىك باقىلاۋ ينسپەكتسياسىنا جىبەرىلدى» دەپ حابارلادى بالىق شارۋاشىلىعى كوميتەتىنىڭ ءباسپاسوز قىزمەتى.
وسى كەزگە دەيىن اتىراۋ, ماڭعىستاۋ جانە باتىس قازاقستان وبلىستارىنىڭ اۋماعىندا بالىق قورعاۋ اكتسياسى اياسىندا 1000-نان استام قۇقىق بۇزۋشىلىق انىقتالدى. ال, زاڭسىز اينالىمنان 30 توننادان استام بالىق, ونىڭ ىشىندە 4,5 توننادان استام بەكىرە تۇقىمداس بالىق ءتۇرلەرى الىنىپتى. قۇقىق بۇزۋشىاردان 3,5 مىڭ ءتۇرلى اۋلاۋ, سونداي-اق 80 ءجۇزۋ جانە ترانسپورت قۇرالى تاركىلەنءىپ وتىر.
