مەملەكەتتىڭ دەنساۋلىق ساقتاۋ مينيسترلىگى ينفەكتسيانىڭ «سينگاپۋرلىق» مۋتاتسياسىنىڭ جوق ەكەنىن ايتتى. سوڭعى اپتالاردا COVID-19-دىڭ تەك ءۇندىستاندا العاش رەت تابىلعان نۇسقاسى انىقتالعان.
شري-لانكا جولاۋشىلاردىڭ شەتەلدەن كەلۋىنە 10 كۇنگە تىيىم سالدى. ەلدىڭ ازاماتتىق اۆياتسيا باسقارماسىنىڭ حابارلاۋىنشا, مۇنداي شارا كۇردەلى ەپيدەميولوگيالىق جاعدايدى باقىلاۋ ءۇشىن قولعا الىنىپ وتىر. «جابىق اسپان» رەجيمى 21-31 مامىر ارالىعىندا جۇمىس ىستەيدى.
ەگيپەت COVID-19 ينفەكتسياسىنىڭ تارالۋىنا جول بەرمەۋگە باعىتتالعان شەكتەۋ شارالارىن مامىر ايىنىڭ سوڭىنا دەيىن ۇزارتتى. دۇكەندەر, ساۋدا ورتالىقتارى مەن مەيرامحانالار جەرگىلىكتى ۋاقىت بويىنشا تەك ساعات 21: 00-گە دەيىن جۇمىس ىستەي الادى. ال قوعامدىق ساياباقتار مەن جاعاجايلارعا كىرۋگە رۇقسات بەرىلگەن. بىراق شەكتەۋ رەجيمىنىڭ بىرقاتار تالابىن ساقتاۋ مىندەتتى. ەگيپەت اراب رەسپۋبليكاسى كوروناۆيرۋستىق ينفەكتسيانىڭ ءۇشىنشى تولقىنىمەن كۇرەسۋدە.
يسلانديالىق Dadi og Gagnamagnid توبى مۇشەلەرىنىڭ ءبىرى كوروناۆيرۋستىق ينفەكتسيانى جۇقتىرعاندىقتان, كوماندا روتتەردامداعى «ەۆروۆيدەنيە» ءان بايقاۋىندا ونەر كورسەتپەيتىن بولدى. توپ ءوز ارىپتەسىنسىز ءان ايتپاۋدى ءجون سانادى. ۇجىمنىڭ «10 جىل» ءانى كونكۋرستا قالادى. ول II جارتىلاي فينالدا بەينە فورماتتا ورىندالادى.
ء«ۇندى» ۆيرۋسىنىڭ مۋتاتسياسى كيپرگە ەنىپ كەتتى, دەپ حابارلايدى مەملەكەتتىڭ دەنساۋلىق ساقتاۋ مينيسترلىگى. كۆي 4 ادامدا راستالعان. ولار قازىر قوناقۇيلەرگە كارانتينگە جاتقىزىلدى. ددۇ مالىمەتتەرى بويىنشا B. 1.617 نۇسقاسى 40-تان استام ەلدە تابىلدى. كيپر بيلىگى COVID-19 تارالۋىن ۆاكتسيناتسيا ارقىلى توقتاتپاق. قازىرگى ۋاقىتتا ەلدەگى ەرەسەك تۇرعىنداردىڭ 45%-ى ەكپە سالدىرعان.
