اسپالى شىراعدان تۇعىرىنا قوندى

«ازىرەت سۇلتان» مەم­لەكەت­تىك تاريحي-مادەني قورىق-مۋ­زەيى ءباسپاسوز قىزمەتىنىڭ حا­بارلاۋىنا قاراعاندا, جا­دىگەر-شىراعداننىڭ پوشىمى قۇ­مىرا تارiزدەس ءھام ونىڭ بۇيiرiندە بيىككە اسىپ قويۋعا ارنالعان ءۇش ىلمەگى بار. وندا ىلمەك شىنجىرلار بەكىتىلگەن. بۇل شىنجىرلار دوڭگەلەك مەتالل پلاستيناعا بەكiتiلگەن. شىراعداننىڭ ءبىر بۇيىرىندە پارسى تiلiندە ورنەك ۇلگىسىمەن جازىلعان جازۋ بار. وندا: «اۋليەلەردىڭ سۇلتانى, تاقۋا­لار­دىڭ دالەلى – قوجا احمەت ياساۋي. بۇل اسپالى شىراقتى حاججاج يبن ۋاققاس سايرامي ارنايى سۇلتاننىڭ [قوجا اح­مەت ياساۋي] كەسەنەسىنە ۋاقف رە­تىندە سىيعا تارتتى» دەلىنگەن.
اسپالى شىراعدان 1993-1999 جىلدارى جۇرگىزىلگەن جوندەۋ جۇمىستارى كەزiندە الىنعان ەكەن. ياعني جەرگە تۇسىرىلگەن. ناتيجەسىندە, بۇل جادىگەرگە زەرتتەۋ جاسا­لىپ, عىلىمي ساراپتاما تاعايىن­دالعان كورىنەدى.
«ازىرەت سۇلتان» مەملە­كەتتىك تاريحي-مادەني قو­رىق-مۋزەيىنىڭ ديرەكتورى ن.اح­مەت­جانوۆ مىرزا: «تاۋەل­سىز­دىگىمىزدىڭ 30 جىلدىعى قار­ساڭىندا حالىقارالىق مۋزەيلەر كۇنىنە وراي قورىق-مۋزەي قورىنداعى ءحVى عاسىرعا ءتان تۇپنۇسقا جادiگەرلەردiڭ ءبiرى اسپالى شىراعداندى تا­ريحي تۇعىرىنا ورناتىپ وتىر­مىز. شىراعدان بۇرىنعى قا­­زاندىق بولمەسiنiڭ سول­تۇس­تiك ويىعى استىندا, قا­بىر­حاناعا كiرەبەرiستەگi ار­كانىڭ ۇشىندا iلۋلi تۇرعان ەكەن. سول ورنىنا قايتا ورنالاس­تى», دەيدى.