«20 شىلدەدە سولتۇستىك كيپر تۇرىك رەسپۋبليكاسىنا بارىپ, سولتۇستىك كيپر تۋرالى قاجەتتى جولداۋدى جاسايمىن دەپ ۇمىتتەنەمىن. بۇل تەك ارالعا ەمەس, بۇكىل الەمگە قاتىستى», دەدى ەردوعان انكارادا جاستارمەن كەزدەسۋىندە.
كيپر 1974 جىلدان بەرى گرەك جانە تۇرىك قاۋىمداستىقتارى اراسىندا بولىنگەن. 1983 جىلى سولتۇستىك كيپر تۇرىك رەسپۋبليكاسى (سكتر) ەگەمەندىگىن جاريالاعان, الايدا ونى تەك تۇركيا عانا مويىنداعان. كيپردى بىرىكتىرۋ بويىنشا گرەك جانە تۇرىك قاۋىمداستىقتارى اراسىنداعى كەلىسسوزگە بۇۇ ارالاستى. 2017 جىلى شۆەيتساريانىڭ كرانس-مونتانا قالاسىندا وتكەن كەلىسسوز ءساتسىز بولعان ەدى.
2020 جىلعى 18 قازانداعى سايلاۋدا جەڭىسكە جەتكەن تۇرىك-كيپرلىكتەردىڭ جاڭا جەتەكشىسى ەرسين تاتار كيپردىڭ كونفەدەرال جۇيەسىن قولدايدى, ال گرەك-كيپرلىكتەر ەكى ايماقتىق ەكى قوعامدى فەدەرالدى مەملەكەت قۇرۋدى ۇسىنادى.
