قوعام • 19 مامىر، 2021

الماتىدا وقۋشى قىزدى ساباپ كەتكەن ايەلدەردىڭ ءبىرى ۇستالدى

378 رەت كورسەتىلدى

الماتى وبلىسى بورالداي كەنتىندە كامەلەتكە تولماعان وقۋشى قىزدى ۇرىپ-سوققانداردىڭ ءبىرى ۇستالدى. بۇل تۋرالى وبلىستىق پوليتسيا دەپارتامەنتى ءمالىم ەتتى، دەپ حابارلايدى Egemen.kz.

ەسكە سالا كەتەيىك، 13 مامىردا الماتى وبلىسى بورالداي كەنتىندەگى ايالدامادا ەكى ايەل 16 جاستاعى قىزدى ۇرىپ-سوققان. ءجاسوسپىرىم العان جاراقاتتارىنا بايلانىستى الماتى قالاسىنداعى بالالار اۋرۋحاناسىنا جەتكىزىلدى.

وسى ورايدا قىلمىستى اشۋ ءۇشىن جەدەل-تەرگەۋ توبى قۇرىلىپ، پوليتسەيلەر كۇدىكتىلەردى الماتىدان بورالداي اۋىلىنا جەتكىزگەن تاكسي جۇرگىزۋشىسىن قولعا ءتۇسىردى. ءتارتىپ ساقشىلارى 25 پەن 40 جاس ارالىعىنداعى ايەلدەردى ۇقساس بەلگىلەرى بويىنشا تەكسەرىپ شىققان.

«19 مامىردا الماتىدا وتكىزىلگەن جەدەل-ىزدەستىرۋ شارالارى ناتيجەسىندە پوليتسيا قىزمەتكەرلەرى 27 جاستاعى جەرگىلىكتى تۇرعىندى ۇستادى. ول دالەلدەر ۇسىنىلعاننان كەيىن ءوز كىناسىن مويىندادى. وقيعانىڭ ەكىنشى قاتىسۋشىسى، ەڭبەكشىقازاق اۋدانى بايتەرەك اۋىلىنىڭ 30 جاستاعى تۇرعىنى ەكەنى انىقتالدى. ونى ۇستاۋ بويىنشا شارالار قابىلدانىپ جاتىر»، دەدى دەپارتامەنت وكىلدەرى.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار