شارانى ەقىۇ پا تەرروريزمگە قارسى ءىس-قيمىل جونىندەگى ارناۋلى كوميتەتى ۇيىمداستىردى. وعان سەناتور قايرات قوجامجاروۆ قاتىستى.
ءىس-شاراعا قاتىسۋشىلار «جۋسان» جانە «رۋساف» وپەراتسيالارىنىڭ نەگىزگى ناتيجەلەرى, ونىڭ ىشىندە وسىنداي وپەراتسيالاردى ازىرلەۋ كەزىندە جاسالعان ساياسي جانە ديپلوماتيالىق جۇمىستار تۋرالى ايتىپ بەردى.
قازاقستان ءوز ازاماتتارىن سيريا مەن يراكتان رەپاترياتسيالاعان ورتالىق ازياداعى العاشقى مەملەكەتتەردىڭ ءبىرى بولعانىن اتاپ وتكەن ءجون. 2019 جىلى قازاقستان بيلىگى ەكى وپەراتسيا جۇرگىزدى, ونىڭ ناتيجەلەرى بويىنشا 600-دەن استام وتانداسىمىز ەلگە قايتارىلدى, ولاردىڭ 400-گە جۋىعى بالالار.
كەزدەسۋگە قاتىسۋشىلار رەپاترياتسيانى جۇزەگە اسىرۋ, شەتەلدىك تەرروريست-سودىرلاردى جانە ولاردىڭ وتباسى مۇشەلەرىن ءتيىمدى قۋدالاۋ مەن وڭالتۋ, سونداي-اق ولاردىڭ قوعامعا كەدەرگىسىز قايتا بەيىمدەۋ ماسەلەلەرىن تالقىلادى.
