«حالىقتىڭ ۆاكتسيناعا دەگەن ىقىلاسى جاقسى. كۇنى بۇگىن ۆاكتسينا الاتىن كونتينگەنتتىڭ 30 پايىزىنان استامىنا ۆاكتسينا سالىندى, شىمكەنت بۇل كورسەتكىش بويىنشا كوش باسىندا», دەيدى قالا اكىمى مۇرات ايتەنوۆ.
ۇكىمەت وتىرىسىنا سەلەكتورلىق رەجيمدە قاتىسىپ, قالاداعى ەپيد احۋالدى بايانداعان قالا باسشىسى اقپان ايىنان باستاپ ازاماتتاردى ۆاكتسيناتسيالاۋ ءۇشىن 43 ستاتسيونارلىق جانە 25 جىلجىمالى بەكەت ۇيىمداستىرىلعانىن اتاپ ءوتتى.
«بۇگىنگە ءبىرىنشى كومپونەنت 163 515 ازاماتقا, ال ەكىنشى كومپونەنت 66 657 ازاماتقا سالىندى. حالىقتىڭ ۆاكتسيناعا دەگەن ىقىلاسى جاقسى. كۇنى بۇگىن ۆاكتسينا الاتىن كونتينگەنتتىڭ 30 پايىزىنان استامىنا ۆاكتسينا سالىندى. ۆاكتسيناتسيالاۋعا 753 مەديتسينا قىزمەتكەرى وقىتىلىپ, جۇمىلدىرىلدى», دەدى اكىم.
شىمكەنت قالاسى تۇرعىندارىنا بۇقارالىق اقپارات قۇرالدارى ارقىلى سانيتاريالىق-ەپيدەميولوگيالىق نورمالارىن ساقتاۋ جانە كورونوۆيرۋس ينفەكتسياسىنا قارسى ۆاكتسيناتسيالاۋ بويىنشا كەڭ اقپاراتتىق ءتۇسىندىرۋ جۇمىستارى جۇرگىزىلۋدە.
بۇدان بولەك, قالا اكىمدىگى جانىنان اشىلعان call-center تاۋلىك بويى جۇمىس ىستەۋدە. قالاداعى بيزنەس سۋبەكتىلەرى ءۇشىن «Ashyq» جوباسى ىسكە ەنگىزىلدى. قازىرگى تاڭدا 428 بيزنەس سۋبەكتىلەرى جوباعا قوسىلدى, ستاتۋس انىقتاۋ بارىسىندا 25 قىزىل جانە 87 سارى تۇسپەن ازاماتتار انىقتالعان.
