ۇكىمەت • 18 مامىر، 2021

ەلىمىزدىڭ 5 وڭىرىندە دەبيتورلىق بەرەشەك وسكەن

3 رەت كورسەتىلدى

ۇكىمەت وتىرىسىندا پرەمەر-مينيستر اسقار مامين نۇر-سۇلتان، الماتى، شىمكەنت قالالارى مەن قىزىلوردا، ماڭعىستاۋ وبلىستارىنداعى دەبيتورلىق بەرەشەكتىڭ ءوسىپ جاتقانى تۋرالى ايتتى، دەپ حابارلايدى Egemen.kz.

بۇگىنگى ۇكىمەت وتىرىسىندا وتكەن جىلىتۋ ماۋسىمىنىڭ قورىتىندىسى مەن كەلەسى ماۋسىمعا دايىندىق شارالارى تالقىلاندى. پرەمەر-مينيستر وتكەن جىلىتۋ ماۋسىمى قالىپتى رەجيمدە بولعانىن اتاپ، الداعى ماۋسىمعا ساپالى دايىندىقتى قازىردەن باستاۋ كەرەكتىگىن ەسكەرتتى.

«1 ماۋسىمعا دەيىن تۇرعىن ءۇي-كوممۋنالدىق شارۋاشىلىق، تۇرعىن ءۇي جانە الەۋمەتتىك سالا وبەكتىلەرىن دايىنداۋ بويىنشا ءىس-شارالار جوسپارلارىن بەكىتۋدى تاپسىرامىن. سولتۇستىك جانە شىعىس وڭىرلەرىنىڭ اۋا رايى جاعدايلارىن ەسكەرە وتىرىپ، 1 قىركۇيەككە دەيىن – ءبىلىم بەرۋ ۇيىمدارىنىڭ، 15 قازانعا دەيىن بارلىق ينجەنەرلىك ينفراقۇرىلىمنىڭ، تۇرعىن ءۇي-كوممۋنالدىق شارۋاشىلىق، تۇرعىن ءۇي جانە الەۋمەتتىك سالا وبەكتىلەرىنىڭ تولىعىمەن دايىن بولۋىن قامتاماسىز ەتۋ قاجەت»، دەدى پرەمەر-مينيستر.

سونداي-اق جاۋاپتى سالا باسشىلارىنا تۇتىنۋشىلاردىڭ دەبيتورلىق بەرەشەگىن تومەندەتۋ جانە ەنەرگيا وندىرەتىن ۇيىمداردىڭ وتىن جەتكىزۋشىلەردىڭ الدىنداعى بەرەشەگىن وتەۋ بويىنشا شارالار قابىلداۋدى جۇكتەدى.

«اسىرەسە، نۇر-سۇلتان، الماتى، شىمكەنت قالالارى مەن قىزىلوردا، ماڭعىستاۋ وبلىستارىنىڭ اكىمدىكتەرى دەبيتورلىق بەرەشەكتىڭ ءوسۋ پروبلەماسىنا نازار اۋدارسىن»، دەدى اسقار مامين.

سوڭعى جاڭالىقتار

العىس ارقالاعان جاناشىر جاندار

مەديتسينا • بۇگىن، 08:01

حەم اعاي

ادەبيەت • كەشە

نەسيە كورسەتكىشى ارتتى

ەكونوميكا • كەشە

ۇقساس جاڭالىقتار