ۇكىمەت • 18 مامىر، 2021

اسقار مامين: ۆاكتسينانى تاڭداۋ قۇقىعى بەرىلۋى ءتيىس

12 رەت كورسەتىلدى

قر پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا ەلدەگى سانيتارلىق-ەپيدەميالىق جاعداي قارالدى، دەپ حابارلايدى Egemen.kz.

قازىرگى جاعداي مەن حالىقتى ۆاكتسينالاۋ بارىسى تۋرالى دەنساۋلىق ساقتاۋ ءمينيسترى الەكسەي تسوي، وڭىرلەردەگى احۋال تۋرالى قاراعاندى وبلىسىنىڭ اكىمى جەڭىس قاسىمبەك، نۇر-سۇلتان قالاسىنىڭ اكىمى التاي كولگىنوۆ، شىمكەنت قالاسىنىڭ اكىمى مۇرات ايتەنوۆ باياندادى. قازىرگى تاڭدا قازاقستاندا COVID-19 اۋرۋى بويىنشا احۋالدىڭ جاقسارۋ سەرپىنى بايقالادى. ۆيرۋستىڭ رەپرودۋكتيۆتى يندەكسى 0،98 قۇرايدى. اۋرۋحانا توسەكتەرى 36%، رەانيماتسيالىق توسەك ورىندار 28% تولى. 6 ءوڭىر — نۇر-سۇلتان، جانە الماتى قالالارى، باتىس قازاقستان، اقمولا، قاراعاندى، اتىراۋ وبلىستارى «قىزىل ايماقتا» تۇر.

بۇگىندە قازاقستاندا ۆاكتسينانىڭ ءبىرىنشى كومپونەنتى 1،9 ملن جۋىق ادامعا، ەكىنشى كومپونەنتى شامامەن 800 مىڭ ادامعا ەگىلدى. قويمالار مەن مەديتسينالىق مەكەمەلەردە ۆاكتسينالاردىڭ جەتكىلىكتى كولەمى بار. ۆاكتسينالاۋ كەستە بويىنشا جۇرگىزىلۋدە.

«وڭىرلەردە ۆاكتسينالاۋدى ارتتىرۋ بويىنشا جۇمىستى جالعاستىرۋ قاجەت. اكىمدەر ماسەلەنى ەرەكشە باقىلاۋدا ۇستاسىن. ادامدارعا ۆاكتسينانى تاڭداۋ قۇقىعى جانە ءتيىستى اقپارات بەرىلۋى ءتيىس»، دەدى ا. مامين.

ۇكىمەت باسشىسى دەنساۋلىق ساقتاۋ مينيسترلىگىنە ۆاكتسينالاۋ اراسىنداعى ارالىقتى ناقتى انىقتاپ، حالىقتىڭ سۇراۋلارى مەن قالاۋىنا نازار اۋدارۋدى تاپسىردى. پرەمەر-مينيستر شەكتەۋ شارالارىنىڭ ساقتالۋىن باقىلايتىن مونيتورينگتىك توپتاردىڭ جۇمىسىن جالعاستىرۋ قاجەتتىگىن اتاپ ءوتتى.

«Ashyq» قوسىمشاسىن پايدالانۋ وڭ ناتيجەسىن بەرىپ وتىر. سونىڭ ارقاسىندا قىزمەتتەر كورسەتۋ سالاسىنداعى بيزنەستىڭ جۇمىس ىستەۋ مۇمكىندىگى جاقساردى، ولارعا كەلۋشى ادامداردىڭ قاۋىپسىزدىگى ارتتى. قوسىمشانى پايدالانۋ سالالارىن ودان ءارى دە كەڭەيتۋ قاجەت»، دەدى ا. مامين.

سوڭعى جاڭالىقتار

العىس ارقالاعان جاناشىر جاندار

مەديتسينا • بۇگىن، 08:01

حەم اعاي

ادەبيەت • كەشە

نەسيە كورسەتكىشى ارتتى

ەكونوميكا • كەشە

ۇقساس جاڭالىقتار