ايماقتار • 17 مامىر، 2021

الماتىدا كوروناۆيرۋس جۇقتىرعان 3 مىڭنان اسا ناۋقاس ەم قابىلداۋدا

7 رەت كورسەتىلدى

الماتىدا كوروناۆيرۋس جۇقتىرعان 3 134 ناۋقاس ەم قابىلداپ جاتىر. بۇل تۋرالى قالالىق قوعامدىق دەنساۋلىق ساقتاۋ باسقارماسىنىڭ وكىلى ءمالىم ەتتى، دەپ حابارلايدى Egemen.kz.

17 مامىر كۇنگى اقپارات بويىنشا، ءبىر تاۋلىكتە قالادا 549 ادام كوروناۆيرۋس جۇقتىرعان. مۇنىڭ ىشىندە سيمپتومدى، جەڭىل جانە ورتاشا دەڭگەيدەگى بەلگىلەرمەن – 476، سيمپتومسىز – 73 ناۋقاس تىركەلدى. بارلىق ەمدەلىپ شىعارىلعاندار – 60، كەلىپ تۇسكەنى – 163.

«ينفەكتسيالىق ستاتسيونارلاردا 3 134 ادام بار (توسەك-ورىننىڭ جالپى سانى – 6 060)، ونىڭ ىشىندە 115 بالا ەمدەلىپ جاتىر»، دەپ ناقتىلادى قوعامدىق دەنساۋلىق ساقتاۋ باسقارماسىنىڭ وكىلى.

سونداي-اق رەانيماتسيا جانە قارقىندى تەراپيا بولىمىندە 226 ادام جاتىر. ال 35 ناۋقاس جاساندى تىنىس الۋ اپپاراتىنا قوسىلعان. ءينۆازيۆتى ەمەس جاساندى تىنىس الۋ اپپاراتىندا 61 ادام ەم قابىلداۋدى جالعاستىرۋدا. High flow-دا 81 اپپارات جۇمىس ىستەيدى.

مەديتسينالىق-سانيتاريالىق العاشقى كومەك ءموبيلدى بريگادالارىنىڭ جانە تەلەمەديتسينا ورتالىعىنىڭ امبۋلاتوريالىق باقىلاۋىندا 3 618 ناۋقاس بار. ونىڭ ىشىندە ىندەت بەلگىلەرى بار، ورتاشا اۋىر جاعدايدا 3183 ناۋقاس. 435 ادامدا كوروناۆيرۋس بەلگىلەرى جوق.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار