مەديتسينا • 17 مامىر، 2021

مەديتسينالىق كومەك جۇيەلى كورسەتىلەدى

11 رەت كورسەتىلدى

حالىقتىڭ دەنساۋلىعىنا دەن قويۋ ودان سايىن ماڭىزدانا تۇسكەن قازىرگى سىن ساعاتتا الەۋمەتتىك مەديتسينالىق ساق­تاندىرۋ قورىنىڭ جۇمىسى ەرەكشە نازاردا. اتالعان قوردىڭ باسقارما توراعاسى بولات توكەجانوۆ ورتالىق كوممۋنيكاتسيالار قىزمەتى الاڭىندا اتقارىلعان جۇمىستار جونىندە جان-جاقتى ماعلۇمات بەرىپ، جۋرناليستەردىڭ سۇراقتارىنا جاۋاپ بەردى.

ازاماتتار كوروناۆيرۋس ينفەكتسياسىن جۇقتىرعان جانە پنەۆمونياعا شالدىق­قان جاع­دايدا الەۋمەتتىك مەديتسي­نالىق ساقتاندىرۋ قورىنداعى مارتەبەسىنە قارا­ماستان مە­ديتسينالىق كومەكتى تەگىن الا­دى. قور ىندەتپەن كۇرەس بويىنشا ءىس-شارالاردى قار­جىلاندىرۋعا 71،6 ملرد تەڭگە باعىتتادى.

– ىندەتپەن كۇرەس كەزىندە مەديتسينالىق ساقتاندىرۋ قو­رىنىڭ قاراجاتى ەسە­بى­نەن پتر-زەرتتەۋلەرگە قول­جە­تىمدىلىك قانشالىقتى ارت­قانىن اتاپ وتكىم كەلەدى. وتكەن جىلى شامامەن 1،9 ملن پتر-تەست جۇرگىزىلسە، وسى جىلدىڭ العاشقى ءۇش ايىندا كۆي ۆيرۋسىن انىق­­تاۋعا 1،3 ملن زەرتتەۋ قارجىلاندىرىلدى. سونداي-اق قور بىلتىر ءمو­بيلدى بريگادانىڭ 550 مىڭ كومەگىن قارجىلاندىردى، ال بيىل تەك ءبىرىنشى توقساندا كورو­ناۆيرۋس بەلگىلەرى بار پا­تسيەنتتەرگە جارتى ملن-نان اسا كومەك كورسەتىلدى، – دەدى ب.توكەجانوۆ.

1 توقساننىڭ قورىتىن­دى­سىنا توقتالعان قور باسشىسى كوروناۆيرۋسپەن كۇ­رەسكە بولىنگەن بيۋدجەتتىڭ نە­گىزگى سوماسى الدىڭعى شەپ­تە جۇمىس ىستەپ جۇرگەن مە­دي­­تسينا قىزمەتكەرلەرىنىڭ جالاقىسىنا ۇستەمەاقى تو­لەۋ­گە قاراستىرىلعانىن اتاپ ءوتتى. ناق­­تىراق ايتقاندا، قاڭ­تاردا 50،5 مىڭ مەديتسينا قىزمەتكەرى 13،9 ملرد تەڭگە سوماسىندا ۇستەمەاقى، اقپاندا 51،7 مىڭ مەديتسينا قىزمەتكەرى 13،8 ملرد تەڭگە سوماسىندا ۇستەمەاقى الدى. ال ناۋرىز ايىندا 53،2 مىڭ قىزمەتكەرگە بەرىلگەن تولەمدەر سوما­سى 14،7 ملرد تەڭگەنى قۇ­را­دى. وسى ۇستەمەاقىلار ار­­قى­­لى ينفەكتسيالىق ستا­تسيو­­نارلارداعى كەيبىر دارى­گەرلەردىڭ جالاقىسى 1 ملن تەڭگەگە جەتتى.

قور جۇمىسىنىڭ ءبىر با­عىتى – حالىقپەن كەرى باي­لانىس ورناتۋ جانە پاتسيەنت­تەردىڭ قۇقىقتارىن قورعاۋ. بۇل رەتتە شاعىمدار مەن ۇسى­نىس-تىلەكتەرگە باسا كوڭىل بو­لى­نەدى. شاعىمداردىڭ
35،7%-­ى­­ ­مە­ديتسينالىق كو­مەك كور­­­سە­تۋ­­­دەن باس تارتۋ،
20،3%-ى­ كور­­سە­­تىلگەن مەديتسي­نا­­لىق قىز­­­­­مەت­تەردىڭ ساپاسى، 10،7%-ى­ اقىلى نەگىزدە تمككك جانە ءمامس كىرە­تىن قىزمەتتەردى الۋعا جولداۋ، 10،6%-ى اقپا­رات­تىق جۇيەلەردە ناقتى كور­­سەتىل­مەگەن قىزمەتتەردى انىق­تاۋ، 8،5%-ى دارىلىك پرەپاراتتارمەن قامتاماسىز ەتۋ­دەن باس تارتۋ تۋراسىندا بولعان.

– 1 توقساننىڭ قورىتىن­دىسى بويىنشا قور ساراپشى­لارى 203،6 مىڭ اقاۋدى انىق­تادى، ايىپپۇلداردى ەسەپكە العاندا 3،5 ملرد تەڭگە سو­ما­سىن قۇرادى. انىقتالعان اقاۋ­لاردىڭ ىشىندە 29،3 ملن تەڭگە سوماسىنا 3 823 جاعداي جالعان ەسەپ دەپ اتالاتىن كورسەتىلمەگەن قىزمەتتەردى قۇ­رايدى. بيىلدان باستاپ مۇنداي كەلەڭسىز جاعداي­لاردىڭ الدىن الۋ ءۇشىن قور مونيتورينگتىڭ جاڭا ءتۇرى پرواك­تيۆتى مونيتورينگتى ەن­گىزدى. ەندى اقاۋ انىقتالعان جاعدايدا قورىتىندىعا قول قويىلعان كۇننەن باس­تاپ 45 كۇنتىزبەلىك كۇن ىشىن­دە ما­سەلە شەشىلۋى كەرەك. كور­سە­­تىلگەن مەرزىمدە اقاۋ­لار جويىل­ماعان جاع­دايدا ايىپ­پۇلدار قاراس­تىرىلعان، – دەدى امسق باسشىسى.

ب.توكەجانوۆتىڭ اي­تۋىن­­شا، 2021 جىلعا ار­نال­­عان ساتىپ الۋ جوسپارى بو­يىن­شا حالىققا مەدي­تسينالىق كومەك كورسەتۋگە 1،8 ترلن تەڭگە، ونىڭ ىشىندە تمككك-كە 1،1 ترلن تەڭ­گە، ءمامس-كە 700 ملرد تەڭگە قاراستىرىلعان.

قور 2021 جىلى امبۋلا­توريا­لىق-ەمحانالىق جانە ستاتسيوناردى الماستىراتىن كومەكتى، اۋىلدىق دەنساۋلىق ساق­تاۋدى، قاشىقتان كور­سەتى­لەتىن مەديتسينالىق كو­مەك­تى، پروفيلاكتيكالىق تەك­سەرۋلەردى، مەيىربيكەلىك كو­مەكتى جانە پاتروناجدىق قىز­مەتتى قارجىلاندىرۋدى ۇلعاي­تادى. ەرەكشە قاجەت­تىلىكتەرى بار بالالاردى­ مە­ديتسينالىق وڭالتۋ، ەكو جانە «قامقور­لىق» كۆوتالارىن ۇلعايتۋ بويىنشا «اڭساعان ءسابي» باع­دارلامالارىن ىسكە اسىرۋ قور تاراپىنان تولىق قارجى­لاندىرىلادى. سونىمەن قا­تار انتەناتالدى باقىلاۋدى جۇرگىزۋگە قوسىمشا 29،7 ملرد تەڭ­گە بولىنگەن، 5 جاس­قا دەيىنگى بالالاردى پروفيلاكتيكالىق تەكسەرۋگە – 12 ملرد تەڭگە، سونداي-اق مەكتەپ مەديتسيناسىن دامىتۋعا 22،5 ملرد تەڭگە ءبولىندى.

اۋىلدىق جەرلەردە مە­دي­­تسي­نالىق قىزمەتتەردىڭ قول­جەتىمدىلىگىن ارتتىرۋ ءۇشىن وتكەن جىلى 100 جىلجىمالى مەديتسينالىق كەشەن ساتىپ الىندى. بيىل بارلىق اۋىل تۇرعىنىنا 149 جىلجىمالى مەديتسينالىق كەشەن قىزمەت كورسەتەدى. ونىڭ ىشىندە بەيىندى مامانداردىڭ كونسۋلتاتسيالارىن الۋ، سكري­نينگتەن، دياگنوستيكادان ءوتۋ، زەرتحانالىق تالداۋلار جاساتۋ، ۆاكتسينا سالدىرۋ، اۋرۋحاناعا جاتقىزۋعا جولداما الۋ جانە مەديتسينالىق كومەكتىڭ باسقا دا تۇرلەرىن الۋعا بولادى. ءبىرىنشى توق­ساندا «جىلجىمالى ەمحانالار» دەپ اتالاتىن ءموبيلدى مەديتسينالىق كەشەندەر ارقىلى اۋىل تۇرعىندارىنا 231،9 ملن تەڭگەگە 120 مىڭ مەديتسينالىق قىزمەت كورسە­تىلدى.

سونىمەن قاتار بولات توكە­جانوۆ ماقساتتى توپ­تاعى پاتسيەنتتەردى ءدارى-دارمەكپەن قامتاماسىز ەتۋگە ەرەكشە كوڭىل بو­لى­نەتىنىن ايتتى. 2021 جىلى امبۋلاتوريالىق ءدارى-دار­مەكپەن قامتاماسىز ەتۋگە 152،4 ملرد تەڭگە ءبولىنىپتى.

 

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

ۇقساس جاڭالىقتار