الەۋمەتتىك كاسىپكەرلىك – قازاقستاندا سالىستىرمالى تۇردە جاڭا باعىت, بىراق بۇگىنگى كۇننىڭ وزىندە وتاندىق نارىقتا ورنىقتى جوبالار پايدا بولدى. بۇعان داۋىس بەرۋگە قاتىسقان قازاقستاندىقتار كوز جەتكىزدى.
«فيناليستەردى انىقتاۋ وڭايعا تيگەن جوق. سەبەبى ءاربىر ءوتىنىش بەرۋشى شىن مانىندە ىزگى ءىس جاساۋدا. بۇل رەتتە بەلگىلى ءبىر وزەكتى پروبلەمانى شەشۋگە ۇلەس قوسا وتىرىپ, سونىمەن قاتار تابىس تابۋعا جانە جاڭا جۇمىس ورىندارىن قۇرۋعا مۇمكىندىك بەرەتىن قىزىقتى بيزنەس ۇلگىلەرى كوپ بولدى. جەڭىمپازداردى تاڭداۋ ءىسىن قوعامعا سەنىپ تاپسىردىق. بۇل ادامدارعا فيناليستەردىڭ ەرەكشە جوبالارىمەن جاقىنىراق تانىسۋعا مۇمكىندىك بەردى. ءبىز جۇلدەنى ەكىنشى رەت وتكىزىپ وتىرمىز. قاتىسۋشىلارىمىزدىڭ كاسىپقويلىعى مەن قازاقستانداعى الەۋمەتتىك كاسىپكەرلىككە قىزىعۋشىلىقتىڭ ارتىپ كەلە جاتقانىن بايقادىق», دەدى Impact Hub Alamaty باسشىسى ينديرا شاح.
ۇيىمداستىرۋشىلار قاتىسۋشىلاردىڭ كاسىپقويلىعىنىڭ ارتقانىن, سونداي-اق قازاقستانداعى الەۋمەتتىك كاسىپكەرلىككە قىزىعۋشىلىقتىڭ ارتىپ كەلە جاتقانىن اتاپ ءوتتى.
«جۇلدەنىڭ ماقساتى – قازاقستانداعى الەۋمەتتىك كاسىپكەرلىك ينستيتۋتىنا نازار اۋدارۋ, وسى سالانىڭ كورنەكتى ماماندارىنىڭ ەڭبەگىن قوعامنىڭ مويىنداۋىنا ىقپال ەتۋ. الەۋمەتتىك كاسىپكەرلەر دەگەنىمىز قوعام ءۇشىن ماڭىزدى ماسەلەلەردى شەشەتىن, سونىمەن قاتار ءوزارا ءتيىمدى بيزنەس مودەلىن قۇرا الاتىن ادامدار. الەۋمەتتىك پروبلەمالارعا ۇقىپتى, قۇرمەتپەن قارايتىن ادامدار مەن ولاردىڭ كرەاتيۆتى شەشىمدەرىن كورسەتكىمىز كەلەدى. ەل ءوزىنىڭ قاھارماندارىن ءبىلۋى كەرەك, مۇمكىن ولاردىڭ ىستەرى وزگەلەرگە ۇلگى بولار», دەدى ماراپاتتاۋ راسىمىندە ImpactHubAlamaty باعدارلامالىق مەنەدجەرى فاريدا ناۆرۋزبەكوۆا.
بيىل ەكولوگيا سالاسىنداعى الەۋمەتتىك كاسىپكەرلىكتىڭ ۇزدىك ۇلگىسى بولىپ ء«نول قالدىق» كونتسەپتسيالى HelloEco ەكودۇكەنى, Greenup kz قوعامدىق قورى; مادەنيەت جانە ونەر سالاسىنداعى الەۋمەتتىك كاسىپكەرلىكتىڭ ۇزدىك ۇلگىسى بولىپ ULY DALA كومپانياسى مەن «ترانسفورما» مادەني كەڭىستىگى اتاندى. سونداي-اق وسال توپتارعا قولداۋ كورسەتۋ سالاسىنداعى الەۋمەتتىك كاسىپكەرلىكتىڭ ۇزدىك ۇلگىسى بولىپ «لۋچ سۆەتا» اۋتيزم جانە باسقا دا دامۋ ەرەكشەلىكتەرى بار بالالارعا كومەك بەرۋ قورى» قوعامدىق قورى, روزاليا ي ەمير جەكەمەنشىك قورى اۋتيزم جانە سويلەۋ كوررەكتسياسى كوررەكتسيالىق ورتالىعى, گۇلميرا ءۋاليحان قۇراق ءداستۇرلى قولونەر ستۋدياسى, «دوشكولنايا ورگانيزاتسيا سترانا چۋدەس» جشس, «رۋدنەنسكوە گورودسكوە دوبروۆولنوە وبششەستۆو ينۆاليدوۆ» قوعامدىق بىرلەستىگى تانىلسا, اۋماقتاردى دامىتۋ سالاسىنداعى الەۋمەتتىك كاسىپكەرلىكتىڭ ۇزدىك ۇلگىسى «Qareket جاقسىلىق جاسا» قوعامدىق قورى بولدى. الەۋمەتتىك كاسىپكەرلەر اراسىندا COVID-19 پاندەمياسىنىڭ سىن-قاتەرلەرىن شەشۋگە ارنالعان يننوۆاتسيانىڭ ەڭ جاقسى ۇلگىسى بولىپ «ىسكەرلىككە دەمەۋ» قوعامدىق قورى تانىلدى.
OzgerisUstasy جۇلدەسى 2019 جىلى قۇرىلدى جانە ImpactHubAlmaty مەن اقپارات جانە قوعامدىق دامۋ مينيسترلىگى مەن «شەۆرون» كورپوراتسياسىنىڭ سەرىكتەستىگىندە وتكىزىلەدى.
ء«بىزدىڭ كومپانيا جۇلدەنى ۇيىمداستىرۋعا قۋانا قاتىستى. ويتكەنى الەۋمەتتىك بەلسەندى ازاماتتىق قوعام وڭىردە قولايلى بيزنەس ورتانى قۇرۋعا كومەكتەسەدى. ءبىز قازاقستاننىڭ الەۋمەتتىك كاسىپكەرلەرىن قولداۋعا ءازىرمىز جانە ولاردىڭ كاسىپورىندارىنىڭ تابىستى دامۋىنا ءۇمىت ارتامىز», دەدى جۇلدەنى ۇيىمداستىرۋشىلاردىڭ ءبىرى, قازاقستانداعى «شەۆرون» كورپوراتسياسىنىڭ الەۋمەتتىك ينۆەستيتسيالار بويىنشا سۋپەرۆايزەرى لەيلا ايتمۋحانوۆا.
ء«بىز بەس جىلداي الەۋمەتتىك كاسىپكەرلىكتى دامىتۋمەن اينالىسامىز جانە COVID-19 پاندەمياسى كەزىندە قوعام مەن بيزنەستىڭ وعان قالاي شىداپ, قالاي سەزىنگەندەرىن, كەيدە شىن مانىندە يننوۆاتسيالىق امالداردىڭ قولدانىلعانىن ءوز كوزىمىزبەن كوردىك. بۇل بۇكىل بيزنەس ءۇشىن, الەۋمەتتىك كاسىپكەرلەر ءۇشىن دە قيىن كەزەڭ. ءبىرى بەيىمدەلە الدى, ءبىرى بيزنەس مودەلىن تىپتەن بۇرىپ جاڭا باعىتتار اشتى. بۇل ءبىزدى «الەۋمەتتىك كاسىپكەرلەر اراسىندا سovid-19 پاندەمياسىنىڭ سىن-قاتەرلەرىن شەشۋگە باعىتتالعان يننوۆاتسيانىڭ ۇزدىك ۇلگىسى» اتتى نوميناتسيانى ۇيىمداستىرۋعا تۇرتكى بولدى», دەدى قازاقستانداعى ەۋرازيا ورتالىق ازيا قورىنىڭ باعدارلامالار ديرەكتورى ايگۇل تاگاتوۆا.
مادەنيەت جانە ونەر سالاسىنداعى الەۋمەتتىك كاسىپكەرلىكتىڭ ۇزدىك ۇلگىسى نوميناتسياسىنىڭ جەڭىمپازى, «ترانسفورما» مادەني كەڭىستىگىنىڭ ديرەكتورى اننا سۋۆوروۆا اتالعان بايقاۋدىڭ ءوز جوبالارىن ناسيحاتتاۋعا تاپتىرماس الاڭ بولعانى ءۇشىن دە ريزا ەكەنىن جەتكىزدى.
