نۇرلان ەرتاس ۇلى 1980 جىلى تۋعان. قازاق ۇلتتىق اگرارلىق ۋنيۆەرسيتەتىن ينجەنەر-مەحانيك ماماندىعى بويىنشا ءبىتىردى. ەڭبەك جولىن «MotoLink» جشس باستىعى بولىپ باستاعان.
ءار جىلداردا الماتى وبلىسى جامبىل اۋداندىق تۇرعىن ءۇي-كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى ءبولىمىنىڭ جەتەكشى مامانى, باس مامانى, ءبولىم باستىعى, جامبىل اۋدانى تەمىرجول, مىڭباەۆ سەلولىق وكرۋگتەرىنىڭ اكىمى, جامبىل اۋدانى اكىمى اپپاراتىنىڭ جەتەكشىسى, قاراساي اۋدانى اكىمىنىڭ ورىنباسارى, الماتى وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىعى باسقارماسى باسشىسىنىڭ ورىنباسارى قىزمەتتەرىن اتقاردى.
2015 جىلدىڭ اقپان ايىنان بۇگىنگى كۇنگە دەيىن جامبىل اۋدانى اكىمىنىڭ ورىنباسارى بولدى. ايتا كەتەيىك, الماتى وبلىسى اكىمىنىڭ وكىمىمەن باعدات اليەۆ باسقا جۇمىسقا اۋىسۋىنا بايلانىستى جامبىل اۋدانىنىڭ اكىمى لاۋازىمىنان بوساتىلدى.
