وسى ورايدا وبلىستىق ۆەتەريناريا باسقارماسىنىڭ باسشىسى ەربول جيەنقۇلوۆ وڭىرلەردە مال اۋرۋلارى بويىنشا احۋال تۇراقتى ەكەنىن جەتكىزدى. جوسپار بويىنشا بارلىق اۋداندا ەپيزووتياعا قارسى شارالار جۇرگىزىلىپ جاتىر.
«برۋتسەللەزبەن كۇرەس جۇيەلى تۇردە جۇرگىزىلىپ جاتىر. ەگەر ينفەكتسيا زەرتحانادا راستالاتىن بولسا, وندا ول اۋماققا شۇعىل تەكسەرۋ جۇرگىزىلىپ, ەپيزووتيالىق وشاقتىڭ شەكارالارى ايقىندالادى. وسىلايشا, اۋرۋدىڭ تارالۋىنا جول بەرىلمەيدى. اۋرۋ جانۋارلار سانيتارلىق سويۋعا جىبەرىلەدى», دەيدى سپيكەر.
اۋىل شارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتىنىڭ وڭىرلىك ينسپەكتسياسىنىڭ باسشىسى جاندار كوكەەۆ وبلىس بويىنشا 234391 باس ءىرى قارا جانە 1 154 816 باس ۇساق مال تەكسەرىلگەنىن ايتتى. اعىمداعى جىلدىڭ ءتورت ايىندا 11 جامبىلدىق تۇرعىن برۋتسەللەز جۇقتىرسا, بۇل وتكەن جىلمەن سالىستىرعاندا بەس ادامعا از.
وبلىس اكىمى مال وسىرۋشىلەرگە ۋاقتىلى ۆەتەريناريالىق كومەك كورسەتۋدى, مال اۋرۋلارىنىڭ الدىن الۋ جانە دياگنوستيكالاۋ جۇمىستارىن دەر كەزىندە جۇرگىزۋدى تاپسىردى.
