ايماقتار • 14 مامىر، 2021

كولىگىنەن ايىرىلعانشا، تارتىپكە كونبەيدى

16 رەت كورسەتىلدى

سولتۇستىك قازاقستان وبلىستىق پولي­تسيا دەپارتامەنتىنىڭ ءباس­پاسوز قىز­مەتى «ماس كۇيىندە كولىك رۋلىنە وتىر­عان پەترو­پاۆل تۇرعىنى ءۇشىنشى رەت ۇس­تال­دى»، دەپ ماق­تانا حابارلادى. نەگىزى، ماق­تانار­لىق جاعداي ەمەس-اۋ.

ەگەر قولدانىستاعى زاڭ­ناما بۇ­عان مۇم­كىندىك بەرسە، ماساڭ كۇيدە كولىك ايداعان كىسى ءتورتىنشى رەت تە، بەسىنشى رەت تە ۇستالاتىن شىعار. جول قاۋىپ­سىزدىگىن قامتاماسىز ەتە­تىن زاڭ جوبالارىن ازىرلەگەندەر رۋل­گە ماساڭ كۇيىندە 2-ءشى رەت وتى­راتىنداردىڭ كولىك قۇ­­رالدارى تاركىلەنەدى دەپ جازباعان سوڭ، كەيبىرەۋگە مۇن­داي زاڭ ويىنشىق سياقتى كو­رىنۋى مۇمكىن. ويتكەنى جۇر­گىزۋ­شىلىك كۋالىكتەن قا­عىلۋ «جۇتۋدى» ۇنا­تا­تىن كەي جۇر­گى­زۋ­شىگە ونشا اسەر ەتىپ تۇرعان جوق. پوليتسيانىڭ ءۇشىنشى رەت ماس كۇيىن­دە كولىك جۇرگىزگەن جۇرگىزۋشىنى ۇستا­عانى – سونىڭ ايعاعى. 21 جاستاعى «BMW» كولىگىنىڭ يەسى العاشقى رەت ماس بولىپ ۇستالعانىندا 3 جىلعا، ەكىنشى رەت ۇستالعاندا 6 جىلعا كولىك جۇرگىزۋ قۇ­قى­عىنان ايىرىلعان. بىراق ول ساباز كولىك جۇرگىزۋ قۇقىنان ايىرىلعانىنا پىسقىرىپ تا قاراماي، ماشيناسىن تاعى دا ماس كۇيىندە ۇستالعانشا جۇرگىزە بەرگەن.

پوليتسيا ەندى ونى قىل­مىستىق كودەكس­تىڭ 346-بابى بويىنشا «ال­كوگولدىك ما­ساڭ كۇيدەگى كولىك قۇ­رالدارىن باس­قارۋ قۇ­قىعىنان ايى­رىلعان ادامنىڭ كولىك قۇرالىن باس­قارۋى بويىنشا قىلمىستىق جاۋاپ­كەرشىلىككە تارتامىز» دەپ وتىر. بىراق بۇل جولعى جازا دا ونىڭ كولىك جۇرگىزۋ قۇ­قىعىن شەك­تەگەنىمەن، نە باس ەركىنەن، نە كولىك قۇرالىنان ايىرمايدى ەكەن. ەن­دەشە، زاڭنىڭ جۇمساق تالابىن ال­داعى ۋاقىتتا دا بۇزا بەرۋى ىقتيمال.  سول­تۇستىك قازاقستان پد جەرگىلىكتى پوليتسيا قىزمەتى باسقارماسىنىڭ باس­تىعى، پوليتسيا پودپولكوۆنيگى اي­دىن بايماتوۆ: «بۇل ازامات ەندى ءىرى مول­شەردەگى ايىپپۇل تو­لەۋگە نەمەسە 5 جىلعا باس بوس­تاندىعىن شەكتەۋگە (ايىرۋعا ەمەس – ج.س.)، سونداي-اق ءومىر بويىنا كولىك جۇرگىزۋ قۇقى­عى­نان ايىرىلۋى مۇم­كىن»، دەيدى.

دەمەك، بۇل «باتىر» ايىپ­پۇلدى تولەپ تاستاپ نەمەسە 5 جىلعا باس بوستاندىعى شەك­­­تەلسە دە، ءتىپتى ءومىر بويى كو­لىك جۇرگىزۋ قۇقىعىنان ايى­رىل­سا دا ارىنداپ تۇرعان اۆتوسىن ايداپ جۇرە بەرمەسىنە ەش كە­پىل­دىك جوق. ويتكەنى جۇر­گى­زۋ­شىلىك كۋالىكتىڭ جوق­تىعى وعان كەدەرگى ەمەس. سەبەبى، قا­زىر پوليتسيا ونىڭ بار-جوعىن تەك­سەرمەيتىن دە بولدى. ەگەر كولىك جۇرگىزۋ قۇقىعىنان بەل­گىلىكتى مەرزىمگە ايىرىلعان ازا­­مات قاتاڭ زاڭ تالابىنان جاس­قاناتىن بولسا، ءۇشىنشى رەت رۋل­گە «جۇتىپ الىپ» وتىرماس ەدى. ءسويتىپ ول قاشان ءىرى جول-كو­لىك اپاتىن جاساپ، تۇرمەگە توعى­تىلعانشا جۇرە بەرمەك...

 

پەتروپاۆل

سوڭعى جاڭالىقتار

«بارىسقا» جاڭا قاقپاشى كەلدى

حوككەي • بۇگىن، 09:18

ۇقساس جاڭالىقتار