ANTIKOR • 13 مامىر، 2021

انتيكور توراعاسى فولكەر فروبارتپەن كەزدەستى

104 رەت كورسەتىلدى

13 مامىر كۇنى قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى مارات احمەتجانوۆ نۇر-سۇلتان قالاسىنداعى ەقىۇ باعدارلامالار ءوفيسىنىڭ جاڭا باسشىسى فولكەر فروبارتپەن كەزدەستى، دەپ حابارلايدى Egemen.kz.

ءوز سوزىندە م.احمەتجانوۆ ەقىۇ ءوفيسىنىڭ باسشىسىن «ەكىۆەكتورلى» باعىتتا دامىپ كەلە جاتقان ەلدىڭ قىلمىستىق زاڭناماسىن رەفورمالاۋ تۋرالى ەگجەي-تەگجەيلى حاباردار ەتتى. ونىڭ ايتۋىنشا، بۇگىندە ەلىمىزدە ءبىر جاعىنان، قاۋىپتى ەمەس قىلمىستاردى العاش رەت جاساعاندارعا زاڭنىڭ رەپرەسسيۆتىلىگى تومەندەدى، ەكىنشى جاعىنان، اۋىر، قاۋىپتى قىلمىستار ءۇشىن جاۋاپكەرشىلىك كۇشەيتىلدى.
م.احمەتجانوۆتىڭ ايتۋىنشا، ەكىۆەكتورلى تۇجىرىمداما سىبايلاس جەمقورلىققا قارسى جۇيەگە دە قولدانىلادى. اتاپ ايتقاندا، الدىن الۋ جۇمىستارى كۇشەيتىلىپ، سىبايلاس جەمقورلىق قىلمىستارى ءۇشىن جازا قاتايتىلدى.
الدىن الۋ قۇرالدارىن قولدانۋدى كەڭەيتۋ اياسىندا سوڭعى جىلدارى بىرقاتار ماڭىزدى زاڭنامالىق شارالار قابىلداندى. قاراماعىنداعى قىزمەتكەرلەردىڭ سىبايلاس جەمقورلىق ءۇشىن باسشىلاردىڭ وتستاۆكاسى جانە تارتىپتىك جاۋاپكەرشىلىگى ينستيتۋتى ەنگىزىلدى، نقا جوبالارىنىڭ سىبايلاس جەمقورلىققا قارسى ساراپتاماسى قالپىنا كەلتىرىلدى، سىبايلاس جەمقورلىق فاكتىلەرى تۋرالى حابارلاعان ازاماتتاردى كوتەرمەلەۋ جۇيەسى بەكىتىلگەننەن ديففيرەنتسيالدىعا وزگەرتىلدى، كۆازيمەملەكەتتىك سەكتورداعى كومپلاەنس-قىزمەتتەردىڭ مىندەتتىلىگى بەكىتىلدى.
زاڭنامانى ودان ءارى جەتىلدىرۋ تۋرالى ايتا كەلە، اگەنتتىك توراعاسى قازىرگى ۋاقىتتا مەملەكەت باسشىسىنىڭ تاپسىرماسىنا سايكەس ەلىمىزدە قىلمىستىق پروتسەستىڭ ءۇش بۋىندى مودەلىنە بىرتىندەپ كوشۋ باستالعانىن اتاپ ءوتتى. باستاپقى كەزەڭدە پروكۋرورمەن نەگىزگى ءىس جۇرگىزۋ شەشىمدەرىن كەلىسۋ ەنگىزىلدى، بۇل م. احمەتجانوۆتىڭ ايتۋىنشا، ازاماتتاردىڭ قۇقىقتارىن بۇزۋ جاعدايلارىن، سونداي-اق قىلمىستىق ءىس جۇرگىزۋ شەڭبەرىنە تارتىلاتىن ادامداردىڭ سانىن قىسقارتادى.
جالپى، انتيكور باسشىسىنىڭ پىكىرىنشە، جۇرگىزىلىپ جاتقان ساياسات ءوز ناتيجەسىن بەرۋدە. بۇعان قازاقستاننىڭ حالىقارالىق رەيتينگتەردەگى باعاسى دا دالەل. ناقتى ايتقاندا، سىبايلاس جەمقورلىقتى قابىلداۋ يندەكسىندە قازاقستان العاش رەت 38 بالل جيناپ، 19 پوزيتسياعا (133-تەن 94-ورىنعا دەيىن) كوتەرىلدى.
كەزدەسۋ سوڭىندا تاراپتار ودان ءارى ەكىجاقتى ءوزارا ءىس-قيمىل ءۇشىن ورتاق باعىتتاردى بەلگىلەدى.

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار