الەم • 13 مامىر، 2021

ورتالىق ازيا جەر سىلكىنىسى قاۋپىنە قانشالىقتى بەيىم

16 رەت كورسەتىلدى

الماتىدا 2021 جىلعى 11-14 مامىر ارالىعىندا ۆيرتۋالدى الاڭدا ورتالىق ازياداعى تاۋەكەلدەرگە ۇشىراۋدى باعالاۋ بويىنشا  سەمينار ءوتىپ جاتىر، دەپ حابارلايدى Egemen.kz.

ءىس-شارا «ورتالىق ازياداعى قارجىلىق تۇراقتىلىقتى نىعايتۋ جانە اپاتتاردىڭ قاۋپىن ازايتۋ قارقىنىن جەدەلدەتۋ ماقساتىندا جەر سىلكىنىسى مەن سۋ تاسقىنى قاۋپىن بىرىڭعاي وڭىرلىك باعالاۋ جانە جەكەلەگەن كوشكىندەر ستسەناريلەرىن تالداۋ» جوباسى شەڭبەرىندە وتكىزىلەدى.

سەميناردى ۇلتتىق وكەانوگرافيا جانە قولدانبالى گەوفيزيكا ينستيتۋتى (يتاليا) ۇيىمداستىردى.

ءىس-شاراعا عىلىمي-تەحنيكالىق ساراپشىلار مەن تاجىريبەلىك ماماندار، ونىڭ ىشىندە عىلىمي-زەرتتەۋ ۇيىمدارىنىڭ وكىلدەرى، ينجەنەرلەر، اۋماقتىق جوسپارلاۋ جونىندەگى ماماندار، بەيىندى مەكەمەلەردىڭ قىزمەتكەرلەرى جانە قازاقستاننىڭ كاسىپورىن باسشىلارى قاتىسۋدا.

قازاقستاننىڭ سەيسميكالىق اۋداندارى شامامەن 475 مىڭ كم2 الىپ جاتىر. قارقىندىلىعى 6 جانە ودان جوعارى زىلزالاعا ۇشىراعان اۋداندار ەل اۋماعىنىڭ 42،9%-ى. قازىرگى ۋاقىتتا ەلىمىزدىڭ سەيسميكالىق اۋداندارىندا شامامەن 7 ملن-داي ادام تۇرادى. ونىڭ ىشىندە 9 باللدىق اۋماقتا 2 ملن ادام (الماتى قالاسىندا – 1،8 ملن.)، 8 باللدىق اۋماقتا – 1،1 ملن، 7 باللدىقتا 2،0 ملن جانە 6 باللدىق اۋماقتا 1،2 ملن ادام تۇرادى.

2017-2018 جىلدارى قازقسعزي ماماندارى «سەيسموتۇراقتىلىعىن زەرتتەۋ ماقساتىندا الماتى قالاسىنىڭ جىلجىمايتىن م ۇلىك وبەكتىلەرىن پاسپورتتاۋ» عىلىمي جۇمىسىن ورىندادى. ناتيجەسىندە 2017 جىلى 7027 وبەكتىنىڭ، 2018 جىلى 3131 نىساننىڭ زىلزالاعا توزىمدىلىگى تەكسەرىلدى. الىنعان ماتەريالدار بويىنشا الماتى قالاسىنىڭ جەرگىلىكتى ۇيلەستىرۋ جۇيەسىنە وبەكتىلەردى بايلانىستىرا وتىرىپ، گاج باعدارلاماسىندا تەكسەرىلگەن 10 525 وبەكتىلەردىڭ ەلەكتروندىق قۇجاتتارى جاسالدى.

«پاسپورتتاۋ ناتيجەلەرى سەيسميكالىق قاۋىپتى عيماراتتاردى انىقتاۋعا، ولاردى سەيسميكالىق كۇشەيتۋ نەمەسە بۇزۋ بويىنشا ءبىرىنشى كەزەكتەگى وبەكتىلەردى تاعايىنداۋعا، سەيسميكالىق قاۋىپتى عيماراتتاردى كۇشەيتۋگە جانە ەسكى ۇيلەردى بۇزۋعا جۇمسالاتىن شىعىندار كولەمىن انىقتاۋعا مۇمكىندىك بەردى. ەسكى ۇيلەردى بۇزۋ، ءبىلىم بەرۋ مەن دەنساۋلىق ساقتاۋ نىساندارى عيماراتتارىنىڭ سەيسموتۇراقتىلىعىن كۇشەيتۋ بويىنشا قالانىڭ بيۋدجەتتىك باعدارلامالارىنا كەزەكشىلىك بويىنشا تۇزەتۋلەر ەنگىزىلدى»، دەپ ءتۇسىندىردى شوكباروۆ.

سەمينار قورىتىندىسى بويىنشا قاتىسۋشىلار ۇسىنىلعان ادىستەمەلەردى وزدەرى قولدانا الادى جانە ورتالىق ازيا وڭىرىندەگى اپاتتاردىڭ قاۋپىن ازايتۋ جونىندەگى قىزمەتكە ءوز ۇلەستەرىن قوسا الادى.

سوڭعى جاڭالىقتار

بيىل 755 اۋىل اكىمى سايلانادى

قوعام • بۇگىن، 12:15

ۇقساس جاڭالىقتار