ايماقتار • 13 مامىر، 2021

براكونەرگە بۇعاۋ بولماي ما؟

607 رەت كورسەتىلدى

جايىق-كاسپي سۋ باسسەي­نىن­دەگى تابيعي بايلىق – بەكىرە تۇقىمداس باعالى بالىقتار تۇرىنە قىرعيداي تيەتىن براكونەر­لەردىڭ اپتىعىن باساتىن بۇعاۋ تابىلماي تۇر. ارينە، براكو­نەرلىككە قارسى جىل سايىن 1 ءساۋىر – 31 مامىر ارالىعىندا اتىراۋ، ماڭعىستاۋ جانە باتىس قازاقستان وبلىستارىندا كەڭ اۋقىمدى «بەكىرە» بالىق قورعاۋ اكتسياسى وتەدى. اتى دارداي بولعانمەن، بۇل اكتسيادان كەيىن سۋ مارجانىنا سۋىق قولىن كوتەرگەن براكونەرلەر قاتارى ازايعان جوق. نەگە؟

بۇل ساۋال جۇرتشىلىقتى تول­­عاندىرعالى قاشان؟ الايدا، ءدال ق­ازىر ونىڭ جاۋابىن ءدوپ با­سىپ ايتۋعا ەشكىمنىڭ ءداتى بار­ماي­تىن سەكىلدى. ايتپەسە، قۇ­قىق قور­عاۋ ورگاندارى براكو­نەر­­لەردى وسى زامانعى بايلا­نىس قۇرال­دارىمەن، جۇردەك قا­يىق­تار­مەن قامتۋشىلاردى انىق­تاپ، تەڭىز­دىڭ تورىندە بەكىرە تۇ­قىم­داس بالىقتاردى باۋداي ءتۇسى­رىپ جۇرگەن سۋىق قولدىلاردى قول­داۋ­شىلاردىڭ اتىن اتاپ، ءتۇسىن تۇستەر ەدى. قانداي «قۇدى­­رەتى» بار ەكەنى بەلگىسىز، براكو­نەر­لەردى قولدايتىن استىرتىن توپتار ءالى كۇنگە انىقتالار ەمەس. سول سە­بەپتى «باياعى جارتاس، ءبىر جار­تاستىڭ» كەرىمەن «بە­كىرە» اكتسيا­سىن وتكىزۋشىلەر تەك تار­كىلەن­گەن باعالى بالىقتار مەن قۇقىق بۇزۋ­شىلارعا سالىنعان ايىپپۇلدى تىزبەلەۋمەن عانا شەك­تەلەدى.

ماسەلەن، «بەكىرە-2020» اك­تسيا­سىنىڭ ناتيجەسىندە 759 ادام اكىم­شىلىك جاۋاپكەرشىلىككە تارتىلىپ، 33 قىلمىستىق ءىس قوزعال­عان. بالىق قورعاۋ زاڭدىلىعىن بۇزۋشىلارعا 13 ملن تەڭگەدەن استام سوماعا اكىمشىلىك ايىپپۇل سالىنىپتى. ال زاڭسىز اينالىمنان 13،9 توننا بالىق تاركىلەنگەن. ونىڭ ىشىندە 943،6 كيلو بەكىرە تۇقىمداس بالىق تۇرلەرى، 16،34 كيلو بەكىرە تۇقىمداس بالىق ۋىلدىرىعى، 439 اۋلاۋ، 20 ءجۇزۋ، 7 كولىك قۇرالى بار.

مۇنداي دەرەككە بيىل دا قا­نىق بولعالى وتىرمىز. ويتكەنى «بەكىرە-2021» اكتسياسى باس­تال­عالى بەرى جايىق-كاسپي وب­لىس­­ارالىق باسسەيندىك بالىق شا­رۋا­شىلىعى ينسپەكتسياسى­نىڭ ينس­پەكتورلارى قۇقىق قورعاۋ، تا­­بيعات قورعاۋ ورگاندارىنىڭ جانە شەكارا قىزمەتىنىڭ قىز­مەت­كەرلەرىمەن بىرلەسىپ، تابيعات قورعاۋ زاڭناماسىن بۇزۋدىڭ 730 دەرەگىن انىقتاپ وتىر. سونىڭ ناتيجەسىندە 495 ادام اكىمشىلىك جاۋاپكەرشىلىككە تارتىلدى. ال 63 ءىس اكىمشىلىك سوت ورگاندارىنا جولداندى. براكونەرلىكپەن، سيرەك كەزدەسەتىن جانە قۇرىپ كەتۋ قاۋپى تونگەن بالىق تۇرلەرىمەن زاڭسىز اينالىسۋ دەرەگىنە بايلانىستى 37 قىلمىستىق ءىس قوزعالدى. زاڭ تالابىن بۇزۋشىلارعا 8،1 ملن تەڭگە ايىپپۇل سالىندى.

زاڭسىز اينالىمنان الىن­عان 25،5 توننا سۋ مارجانىنىڭ 4 توننا 305،2 كيلوسى بەكىرە تۇ­قىمداس بالىق تۇرلەرىنە جاتادى. سونداي-اق 710 بالىق اۋلاۋ، 18 اۆتوكولىك پەن 48 سۋدا ءجۇزۋ قۇ­رالى تاركىلەنىپ وتىر. وزەن ارناسى مەن تەڭىز اكۆاتورياسىن كۇندەلىكتى ءسۇزۋدىڭ ناتيجەسىندە سۋ قويمالارىنان 2031 زاڭسىز بالىق اۋلاۋ قۇرالى تابىلىپتى.

– وبلىستىق پوليتسيا دەپار­تا­مەنتىنىڭ قىزمەتكەرلەرى اتى­راۋ قالاسىنا تاياۋ ورنالاسقان كوك­­ارنا اۋىلىنداعى ساياجاي تۇر­عىندارىنىڭ بىرىنەن 812 كيلو بولاتىن 247 دانا بەكىرە با­لى­عىن تاركىلەدى. كۇدىكتىنىڭ با­عا­لى بالىقتى ۇيىندە زاڭسىز ساق­تاپ كەلگەنى انىقتالدى. ال يسا­تاي اۋدانىنىڭ 21 جاستاعى تۇر­عىنى ۇيىندە جالپى سالماعى 29 كيلو 800 گرامم بولاتىن بەكىرە تۇقىمداس بالىق ساقتاعان. باعالى بالىق قورىنا زاڭسىز قول سۇققان ەكى ازاماتقا قاتىستى قىلمىستىق ءىس قوزعالدى، – دەپ حابارلادى دە­پارتامەنتتىڭ ءباسپاسوز قىزمەتى.

مىنە، «بەكىرە-2021» اكتسيا­سىنىڭ العاشقى ايىندا براكو­نەرلىككە قاتىستى وسىنداي دەرەكتەر بەلگىلى بولىپ وتىر.

 

اتىراۋ وبلىسى

سوڭعى جاڭالىقتار

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار