قوعام • 13 مامىر، 2021

قازاقستاننىڭ جاڭا كاسىپتەر اتلاسى تانىستىرىلدى

11 رەت كورسەتىلدى

ەڭبەك جانە حالىقتى الەۋمەتتىك قورعاۋ مينيسترلىگى وتكىزگەن ونلاين-كونفەرەنتسيا اياسىندا ورتالىق مەملەكەتتىك ورگاندار وكىلدەرىنە قازاقستان رەسپۋبليكاسىنداعى جاڭا كاسىپتەر مەن قۇزىرەتتەردىڭ اتلاسى تانىستىرىلدى.

اتلاستى ازىرلەۋ مەن ەنگىزۋ بويىنشا ادىسنامالىق، اكىمشىلىك جانە ۇيىمداستىرۋشىلىق قولداۋ كورسەتكەن سەرىكتەس ساياسات نۇربەك ءوز سوزىندە مەملەكەت تاراپىنان ستەيكحولدەرلەر دايارلاعان اتلاستى قولدانۋ پەرسپەكتيۆالارى تۋرالى اڭگىمەلەدى. ونى ەڭبەك نارىعىن بولجاۋدى جاقسارتۋ، جوعارى جانە تجكب باعدارلامالارىن جاڭارتۋ، سونداي-اق كاسىپتىك ستاندارتتاردى جاڭارتۋ قۇرالى رەتىندە پايدالانۋ ءۇشىن نەگىزگى باعىتتار بويىنشا ۇسىنىمدار بەردى.

«جاڭا كاسىپتەر اتلاسىنىڭ كومەگىمەن ەكونوميكانىڭ ءار سالاسى بويىنشا ءتۇرلى قۇزىرەتتىلىكتەرگە قاجەتتىلىكتى بولجاۋعا بولادى. بۇل بولاشاق ستراتەگيالىق دامۋ باعدارلامالارىنىڭ دالدىگىنە وڭ اسەر ەتەدى. بۇدان باسقا، حالىقتىڭ بى­لىك­تىلىگىن ارتتىرۋعا دەگەن تۇسى­نىگى مەن قىزىعۋشىلىعىنا، وزەكتى داع­دىلارعا نەمەسە سۇرا­نىس­قا يە ماماندىقتارعا وقىتۋعا تار­تىلۋىنا اسەر ەتەدى»، دەدى ول.

­بۇگىنگى تاڭدا اتلاس نەگىزىندە ءبىلىم بەرۋ ستاندارتتارىنا بىرقاتار جاڭالىق ەنگىزىلۋدە. مىسالى، حرومتاۋ تاۋ-كەن تەحنيكالىق جوعارى كوللەدجىنىڭ بازاسىندا «تاۋ-كەن ءوندىرۋ ونەركاسىبى مەن پاي­دالى قازبالاردى وندىرۋگە ار­نالعان پيلوتسىز ۇشۋ اپپاراتتا­رىنىڭ وپەراتورى» جاڭا مامان­دىعى بويىنشا وقىتۋ باستالدى. وسى باعىتتاعى مامانداردى دايار­لاۋدىڭ وزەكتىلىگىن دون تاۋ-كەن بايىتۋ كومبيناتىنىڭ قىزمەت­كەرلەرى راستايدى.

بۇدان باسقا، ءبىلىم جانە عى­لىم مينيسترلىگىنىڭ تجكب سىنىپ­تاۋىشىنا مىناداي مامان­دىق­تار مەن بىلىكتىلىكتەر قوسىلدى:

– «روبوتتەحنيكا جانە ەندى­رى-
لەتىن جۇيەلەر (سالالار بو­يىن­شا)» ماماندىعى جانە «روبوت­­تەح­نيكالىق جۇيەلەر مەن كە­شەن­دەر­دى مونتاجداۋشى-رەتتەۋشى»، ء«مو­بيلدى روبوتتەحنيكا تەح­نيگى»، «ونەركاسىپتىك روبوتتەحني­كا تەح­نيگى» بىلىكتىلىگى;

– «نانوماتەريالدار نەگى­زىن­دەگى بۇيىمدار تەحنولوگيا­سى» ماماندىعى جانە «نانو­ما­تە­ريالدار نەگىزىندەگى بۇيىمدار ءون­دىرىسىنىڭ وپەراتورى» بىلىكتىلىگى;

– ء«وندىرىستىڭ ءادديتيۆتى تەحنولوگيالارى» ماماندىعى جانە ء«ادديتيۆتى قوندىرعىلاردىڭ وپەراتورى» بىلىكتىلىگى;

– «قاشىقتىقتان باسقارىلاتىن اۆياتسيالىق جۇيە» ماماندىعى جانە «سىرتقى ۇشقىش»، «پيلوت­سىز اۆياتسيالىق جۇيەلەردى تەحني­كالىق پايدالانۋ جونىندەگى تەحنيك-مەحانيك» بىلىكتىلىگى;

– «عيماراتتاردى جوبالاۋ مەن پايدالانۋدىڭ اۆتومات­تان­دىرىلعان جۇيەلەرى» ماماندىعى جانە «BIM-پايدالانۋشى»، «BIM-تەحنيك»، «عيماراتتى باسقارۋدىڭ زياتكەرلىك جۇيەلەرىنە قىزمەت كورسەتۋ تەحنيگى» بىلىكتىلىگى;

– «جىلجىمايتىن م ۇلىكتى باس­­قارۋ» ماماندىعى جانە «كوپ پا­­تەرلى تۇرعىن ءۇيدى باسقارۋشى» بى­لىك­تىلىگى;

– «دەستيناتسيانى باسقارۋ» ماماندىعى جانە «ەكولوگيالىق تۋريزم مەنەدجەرى»، «تۋريستىك قىز­مەت­تەردى جىلجىتۋ جونىندەگى مە­نەد­جەر»، «تۋريستىك اقپاراتتىق ور­تا­لىق­تىڭ مەنەدجەرى» بىلىكتى­لىكتەرى.

اتلاستى ازىر­لەۋ ەل پرەزي­دەن­تىنىڭ «يگىلىك بار­شاعا! ساباقتاس­تىق. ادىلدىك. ور­لەۋ» سايلاۋالدى باعدارلاماسىن ىسكە اسىرۋ جو­نىندەگى ءىس-قيمىل جوس­پار­ى نەگىزىندە جۇزەگە اسىرىلدى.

اتلاستا ەكونوميكانىڭ باسىم 9 سالاسى: تاۋ-كەن مەتاللۋرگيا كە­شەنى، مۇناي-گاز سالاسى، اۋىل شا­رۋا­شىلىعى، كولىك جانە لوگيس­تيكا، ماشينا جاساۋ، اكت، ەنەرگەتيكا، تۋريزم جانە قۇرىلىس بويىن­شا ەڭبەك نارىعىن سىني تۇردە وز­گەر­تەتىن نەگىزگى تەحنولوگيالىق ترەندتەرگە تالداۋ جاسالعان. قۇجاتتا كاسىپتەردەگى تاياۋداعى 5-10 جىلعا ارنالعان وزگەرىستەر بولجانىپ، سونداي-اق 239 جاڭا، 95 ترانسفورماتسيالاناتىن جانە 129 جويىلىپ بارا جاتقان كاسىپ ايقىندالدى.

سوڭعى جاڭالىقتار

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار