الماتى وبلىسىنىڭ مامانداندىرىلعان قىلمىستىق سوتى تاراتقان مالىمەتكە قاراعاندا, ايەل ادام شيزوفرەنيا اۋرۋىنا شالدىققان. سول سەبەپتى وعان قاتىستى قىلمىستىق ءوندىرىس سوت قاۋلىسىمەن توقتاتىلدى.
ەندى 27 جاستاعى ايەل ءماجبۇرلى تۇردە مامانداندىرىلعان پسيحياتريالىق ستاتسيوناردا ەمدەلەتىن بولادى. ەستەرىڭىزگە سالا كەتەيىك, بىلتىر قازان ايىندا الماتى وبلىسىنىڭ قاراتال اۋدانىنا قاراستى ۇشتوبە قالاسىندا 2 جاستاعى بالانىڭ دەنەسى مۇزداتقىشتان تابىلعان بولاتىن. ارتىنشا كىشكەنتاي ۇل بالانى تۋعان اناسى ءولتىردى دەگەن كۇدىكپەن ۇستالدى.
ايەلدىڭ ايتۋىنشا, ول بالانىڭ اكەسىمەن اجىراسقان, əكەسى وزگە ەلدە تۇرادى. جانە ۇلىن قالاي تۇنشىقتىرىپ ولتىرگەنىن ول قولىمەن كورسەتىپ بەردى.
