مەديتسينا • 12 مامىر، 2021

شۇعىل جەلىگە كورونوۆيرۋسقا قاتىستى 700-دەن استام قوڭىراۋ تۇسكەن

18 رەت كورسەتىلدى

«امان-ساۋلىق» قوعامدىق قورى COVID-19 پاندەمياسى كەزەڭىندە الماتى قالاسىنىڭ تۇرعىندارى مەن مەديتسينا قىزمەتكەرلەرىنىڭ وتىنىشتەرىن قابىلداۋ ءۇشىن تاۋلىك بويى جۇمىس ىستەيتىن «شۇعىل جەلى» تەلەفونىن ىسكە قوستى، دەپ حابارلايدى Egemen.kz.

ءساۋىر ايىندا جەدەل جەلىگە COVID-19-دان قالاي جانە قايدا ەمدەلۋگە بولاتىندىعى جانە ۆاكتسيناتسيالاۋعا قاتىستى سۇراقتارمەن 700-دەن استام ادام حابارلاسسا، ونىڭ 600-دەن استامى قالا، 60-ى الماتى وبلىسىنىڭ، ال قالعانى باسقا وڭىرلەر تۇرعىندارىنان تۇسكەن.

ءوتىنىش بىلدىرگەندەردىڭ اراسىندا 137 ادام ۆاكتسيناتسيامەن بايلانىستى سۇراقتار قويعان.  اۋرۋحاناعا جاتقىزۋ، COVID-19-دى ەمدەۋ، ونىڭ بەلگىلەرى، اۋىرىپ قالۋ كۇدىگى 234 ادامدى الاڭداتقان. ادامدار اۋرۋحاناعا جەتە المايتىندىعىنا، تۋىستارىنىڭ قانداي اۋرۋحاناعا تۇسكەنىن بىلمەيتىندىگىنە، كوروناۆيرۋسقا كۇدىك سەزىنگەنىنە شاعىمدانسا، سەكسەننەن استام تەلەفون سوعۋشىنى ەمحانالاردا نەمەسە ستاتسيوناردا ساپاسىز مەديتسينالىق قىزمەت كورسەتىلگەنى مازالاعان.

«كەلىپ تۇسكەن قوڭىراۋلاردى تالداي وتىرىپ، وتىنىشتەردىڭ 63،5%-ى كوروناۆيرۋستىق ينفەكتسيانى ەمدەۋ، ۆاكتسيناتسيا ماسەلەلەرىمەن جانە ستاتسيونارلاردا ەمدەلۋگە شاعىمدارمەن بايلانىستى ەكەنىن كورىپ وتىرمىز. ادامداردا ءالى كۇنگە دەيىن كوروناۆيرۋستىق ينفەكتسيا بولعان جاعدايدا ءوزىن قالاي ۇستاۋ كەرەك، قايدا بارۋ كەرەك، پتر تەستىلەۋدەن ءوتۋ تۋرالى جەتكىلىكتى اقپارات جوق. وسى پروبلەمالار مەن سۇراقتار بلوگىنا ۆاكتسيناتسيا سۇراقتارى دا قوسىلدى. جۇرتشىلىقتا ۆاكتسينالاردىڭ تيىمدىلىگى، ۆاكتسينالارعا رەاكتسيا تۋرالى تولىق اقپارات جوق. ساۋاتتى اقپاراتتىق ساياسات قۇرۋ ماسەلەسى ءالى دە وزەكتى بولىپ وتىر»، دەيدى «امان-ساۋلىق» قق پرەزيدەنتى باقىت تۇمەنوۆا.

وسى جىلدىڭ 1 ناۋرىزىنان باستاپ قوسىلعان تەلەفون جەلىسى تاۋلىك بويى، دەمالىسسىز جانە مەرەكەلەرسىز جۇمىس ىستەيدى. جوبا سوروس - قازاقستان قورىنىڭ گرانتى ەسەبىنەن جۇزەگە اسىرىلۋدا. ناۋقاستار، سونداي-اق مەديتسينالىق مەكەمەلەردىڭ قىزمەتكەرلەرى مەديتسينالىق كومەك، ءدارى-دارمەكپەن قامتاماسىز ەتۋ، كونسۋلتاتسيالىق كومەك جانە ت. ب. الۋمەن تۋىنداعان پروبلەمالاردى شەشۋ ءۇشىن شۇعىل جەلىگە جۇگىنە الادى. تاۋلىك بويى جۇمىس ىستەيتىن «شۇعىل جەلىگە» +7 727 221 85 05 تەلەفونى ارقىلى حابارلاسۋعا بولادى.

 

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار