جوباعا تەك وزبەكستان ازاماتتارى عانا قاتىسا الادى. ول ءۇشىن ەلەكتروندى ۇكىمەت پورتالىندا تىركەلىپ, تەلەفونعا ارنايى قوسىمشانى جۇكتەپ الۋ كەرەك. جوبا بويىنشا جاسى 18-دەن اسقان وزبەكستاندىق 1 تاۋلىكتە 10 مىڭ قادامنان ارتىق جاياۋ جۇرسە, ونىڭ شوتىنا 125 تەڭگە كولەمىندە اقشا ءتۇسىپ وتىرادى.
ال ءار ايدىڭ قورىتىندىسى بويىنشا ەڭ كوپ جۇرگەن ادام 12 مىڭ مەن 40 مىڭ تەڭگە ارالىعىندا تابىس تابا الادى. كىمنىڭ قانشا قادام جۇرگەنىن قالاي انىقتاۋ كەرەگىن جەرگىلىكتى بيلىك ازىرگە بىلمەي وتىر. سوندىقتان پلاتفورما 1 ماۋسىمعا دەيىن سىناقتان وتەدى. كەيىن ءادىسى تابىلعاننان سوڭ تولىققاندى ىسكە قوسىلادى دەپ جوسپارلانعان.
