ايتۋلى كۇنگە وراي, تاراز قالاسى اكىمدىگىنىڭ ۇيىتقى بولۋىمەن «ارداگەرلەردى ارداقتايىق» اكتسياسى اياسىندا ۇلى وتان سوعىسىنىڭ ارداگەرلەرىن تۇرعىلىقتى مەكەن-جايلارىنا بارىپ قۇتتىقتاۋ ۇيىمداستىرىلدى. بۇگىندە كونە شاھاردا 20 سوعىس ارداگەرى تۇرادى. كەشەگى قان مايداندا وتان قورعاعان قايسار ازاماتتاردىڭ ەرلىگى ۇرپاق جادىنداعى وشپەس ونەگە. ارداگەرلەر دە سوناۋ وتتى جىلدارعا شەگىنىس جاساپ, باسىنان وتكەن اۋىر كەزەڭدەر تۋرالى اڭگىمەلەپ بەردى.
ءىس-شارا بارىسىندا ارداگەرلەردىڭ ۇيلەرىنىڭ اۋلالارىندا №85395 اسكەري ءبولىمنىڭ وركەسترىنىڭ شەرۋى وتكىزىلىپ, سوعىس جىلدارىنداعى اۋەندەر ورىندالدى. سونداي-اق, «تەمىرقازىق» ۆولونتەرلىق قوزعالىسىنىڭ ەرىكتىلەرى ارداگەرلەرگە گۇل شوقتارىن سىيلادى. ۇلى جەڭىس قارساڭىنداعى قۇتتىقتاۋلاردى سوعىس ارداگەرلەرى ۇلكەن قۋانىشپەن قارسى الىپ, ءىس-شارا سوڭىندا كەلۋشىلەرگە العىس ءبىلدىردى. تارازدىقتار وق پەن وتتىڭ اراسىنان امان ورالعان مايدانگەرلەرگە لايىقتى قۇرمەت كورسەتىپ, ارداگەرلەر دە جاس ۇرپاققا باتاسىن بەردى. اتالعان اكتسيا مەرەكە كۇندەرى جالعاسىن تاباتىن بولادى.
جامبىل وبلىسى
