قازىرگى تاڭدا eGov.kz پورتالىندا «جەر ۋچاسكەلەرىنە اكتىلەر دايىنداۋ جانە بەرۋ», «جەر ۋچاسكەسىنىڭ كاداسترلىق (باعالاۋ) قۇنىن ايقىنداۋ», «جوبالاناتىن جەر ۋچاسكەسىن مجك ااج گرافيكالىق دەرەكتەرىمەن كەلىسۋ», «جەر ۋچاسكەسىنىڭ ساپالىق جاي-كۇيى تۋرالى مالىمەتتەر بەرۋ», «مەملەكەتتىك جەر كاداسترىنان مالىمەتتەر بەرۋ» قىزمەتتەرى قولجەتىمسىز.
قالىپتاسقان جاعدايدى رەتتەۋ ءۇشىن مجك ااج سەرۆيستەرى وزگەرتىلەدى. وعان دەيىن جەر كاداسترى بويىنشا بارلىق مەملەكەتتىك قىزمەت حالىققا قىزمەت كورسەتۋ ورتالىقتارى ارقىلى ۇسىنىلادى.
ء«بىز كليەنتتەردى ءوز بولىمشەلەرىمىزدە قابىلداۋدى شەشتىك, ويتكەنى العان جاۋاپكەرشىلىگىمىزدى جانە وسىنداي قىزمەت تۇرلەرىن ۇسىنۋ بويىنشا مۇمكىندىكتەرىمىزدى تۇسىنەمىز. ءبىز وپەراتورلاردىڭ كەڭەس بەرۋ جۇمىسىن قايتا جەدەل باعدارلاپ, ولارعا ارنايى وقىتۋ وتكىزدىك, بۇل جاعدايدى تەز شەشۋگە مۇمكىندىك بەرەدى. سەرۆيستى تۇرلەندىرۋ پروتسەسى اياقتالعاننان كەيىن جەر كاداسترى بويىنشا قىزمەتتەر eGov.kz ارقىلى قايتادان قولجەتىمدى بولادى. بۇگىندە كليەنتتەرگە قىزمەت الۋ ءۇشىن جەر تەلىمى ورنالاسقان اۋدانعا قاراستى حقو-عا جۇگىنۋ قاجەت», دەپ ءتۇسىندىردى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما توراعاسى ءادىل قوجىقوۆ.
