اۆستراليا, برۋنەي, قىتاي, جاڭا زەلانديا, سونداي-اق گونكونگ, ماكاو مەن تايۆاننان كەلگەن تۋريستەرگە بۇل تالاپ قولدانىلمايدى. وتكەن اپتادا سينگاپۋر ۇكىمەتى بانگلادەش, ءۇندىستان, نەپال, پاكىستان جانە شري-لانكادان كەلگەن شەتەلدىكتەردىڭ كىرۋىنە تولىقتاي تىيىم سالدى.
تۇركياداعى قولدانىستاعى لوكداۋن شارتتارى 7 مامىردان باستاپ كۇشەيتىلەدى, دۇكەندەردە تەك نەگىزگى ازىق-ت ۇلىك, گيگيەنا قۇرالدارى مەن ءۇي جانۋارلارىنا ارنالعان تاعامدار ساۋداسىنا رۇقسات ەتىلەدى. بۇعان دەيىن تۇركيا پرەزيدەنتى كوروناۆيرۋستىڭ كۇردەلى جاعدايىنا بايلانىستى ەلدە 29 ساۋىردەن 17 مامىرعا دەيىن تولىق لوكداۋن جاريالاعان بولاتىن. ءىىم-نەن باسقا بارلىق ۇيىمدار مەن مەكەمەلەر ءوز قىزمەتىن توقتاتتى. قالاارالىق ساپارلارعا بيلىكتەن رۇقسات العاننان كەيىن عانا شىعۋعا بولادى. شەتەلدىك تۋريستەرگە كومەندانتتىق ساعات قولدانىلمايدى.
اقش باسشىلىعى 4 شىلدەدە اتاپ وتىلەتىن تاۋەلسىزدىك كۇنىنە وراي ەلدىڭ ەرەسەك تۇرعىندارىنىڭ 70%-ءىن COVID-19-عا قارسى ەگۋگە نيەتتى. اقش پرەزيدەنتى دجو بايدەن ۆاكتسينانىڭ العاشقى دوزاسىمەن ەل تۇرعىندارىنىڭ جارتىسىنان كوبى قامتىلۋى كەرەك, ال 160 ميلليون امەريكاندىق كوروناۆيرۋسقا قارسى ۆاكتسيناتسيانىڭ تولىق كۋرسىنان ءوتۋى قاجەت دەدى. بايدەن بۇل ماقساتقا قول جەتكىزۋ ءۇشن اقش-تا 60 كۇندە 100 ميلليون ۆاكتسيناتسيا جاسالۋ كەرەك اتاپ ءوتتى. بۇل ەلدىڭ قالىپتى ومىرگە ورالۋىنا مۇمكىندىك بەرەدى دەدى ول.
ۇلىبريتانيا بيلىگى كۇزگە قاراي 50 جاستان اسقان ازاماتتارعا قىستا اۋرۋدىڭ كوبەيۋىنە جول بەرمەۋ ءۇشىن ءۇشىنشى سovid-19 ۆاكتسيناتسياسىن ەنگىزۋدى ۇسىنادى. قازىر ۇلىبريتانيانىڭ باس سانيتاريالىق دارىگەرىنىڭ باسشىلىعىمەن ۆاكتسينالاردىڭ ەكى نۇسقاسى سىناقتان وتكىزىلۋدە. ءبىرىنشى نۇسقا كوروناۆيرۋستىڭ جاڭا شتامدارىمەن كۇرەسۋگە باعىتتالعان. ەكىنشى نۇسقا رەتىندە ەلدە ماقۇلدانعان ءۇش پرەپاراتتىڭ بىرەۋى تاڭدالۋى مۇمكىن. قىسقا مەرزىمدە كوپ ادامدى ەكپەمەن قامتۋ ءۇشىن ۇلىبريتانيا ۇكىمەتىنىڭ شەشىمى بويىنشا ۆاكتسينانىڭ ەكى دوزاسىن ەنگىزۋ اراسىنداعى ارالىق ءۇش اپتادان ءۇش ايعا دەيىن ۇلعايتىلدى.
