گۆاردەيسك كەنتىندەگى بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ بازاسىندا وتكەن جەرگىلىكتى اكتيۆپەن كەزدەسۋدە سەناتورلار پاندەميا كەزىندە ورتالىق قىزمەتكەرلەرىنىڭ قىزمەتىنە ەرەكشە ءمان بەرىلگەنىن ايتتى.
«بۇكىل الەمدى شارپىعان پاندەميا كەزىندە بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنا زور جاۋاپكەرشىلىك جۇكتەلگەن. قىسقا ۋاقىت ىشىندە مۇندا قاجەتتى ينفراقۇرىلىمى بار زاماناۋي عيمارات سالىندى. زاۋىت قىزمەتكەرلەرىنە ارنالعان تۇرعىن ءۇي قۇرىلىسى دا اياقتالۋعا جاقىن. سوندىقتان قىزمەتكەرلەر حالىق دەنساۋلىعى ءۇشىن بەلسەندى جۇمىس ىستەۋى ءتيىس», دەپ اتاپ ءوتتى سەناتور بەكبولات ورىنبەكوۆ.
دەپۋتاتتار سونىمەن قاتار كەنەن ازىرباەۆتىڭ ادەبي-مەموريالدىق مۇراجايىندا بولدى. وندا وتكەن جىلى كۇردەلى جوندەۋ جۇرگىزىلگەن بولاتىن. ۇزاق ۋاقىتقا جۇمىسىن توقتاتقان قورداي وتكىزۋ پۋنكتى دە بيىلعى جىلدىڭ ءساۋىر ايىندا تولىق قايتا جاڭعىرتۋدان كەيىن ءوز قىزمەتىن قايتا باستادى.
