وڭتۇستىك مەگاپوليستىڭ تۇرعىندارى كولىك سالىعى بويىنشا 6,1 ملرد تەڭگە قارىز. ودان كەيىن الماتى وبلىسى ورنالاسىپ, اۆتوكولىك يەلەرى 4,8 ميلليارد تەڭگە كولەمىندە سالىق تولەمەگەن. ال نۇر-سۇلتان قالاسى قارىز مولشەرى بويىنشا العاشقى ۇشتىكتە. سەبەبى ەلورداداعى اۆتوكولىك جۇرگىزۋشىلەرىنىڭ مەملەكەتكە 3 ملرد تەڭگەگە جۋىق بەرەشەگى بار.
بورىشكەرلەر سانى بويىنشا انتيرەيتينگتى 165 مىڭنان استام ادام سالىق مىندەتتەمەلەرىن ورىنداماعان الماتى وبلىسى باستاپ وتىر. ەكىنشى ورىندا الماتى قالاسى. وندا بورىشكەرلەر سانى 107 مىڭنان اسادى. توپ-3 تۇركىستان وبلىسى دا كىرەدى – 104 مىڭ ادام.
مكك سالىق كودەكسىنە سايكەس سالىق تولەۋ مەرزىمى اياقتالعاننان كەيىن مەرزىمى وتكەن ءار كۇن ءۇشىن ءوسىمپپۇل ەسەپتەلەتىنىن ەسكە سالادى.
سالىق تولەۋ ءۇشىن مەملەكەتتىك كىرىستەر ورگاندارىنا بارۋدىڭ قاجەتى جوق. «ە-Salyq Azamat» ءموبيلدى قوسىمشاسىن ورناتىپ, سالىق بويىنشا قارىز كولەمىن ءبىلىپ, ونلاين تولەۋ جەتكىلىكتى. سونداي-اق قازاقستاندىقتار ەكىنشى دەڭگەيلى بانكتەردىڭ قوسىمشالارىن پايدالانا الادى.
