ىشكى ىستەر مينيسترلىگى ماتەريالدىق-تەحنيكالىق قامتاماسىز ەتۋ دەپارتامەنتىنىڭ باسشىسى قايسار سۇلتانباەۆتىڭ مالىمدەۋىنشە, پوليتسيا قىزمەتكەرلەرى وزدەرىنىڭ قىزمەتتىك مىندەتتەرىندە قىلمىستاردى اشقاندا جانە تەرگەۋ كەزىندە, وقيعا بولعان جەردى قاراۋ كەزىندە, جاۋاپ الۋ, قىزمەتتىك قوڭىراۋلار وتكىزۋ, جول قاۋىپسىزدىگىن قامتاماسىز ەتۋ, سونداي-اق سانيتارلىق بەكەتتەردە قىزمەت ەتۋ جانە كارانتيندىك شارالارعا قاتىسۋ كەزىندە تۇرعىندارمەن ۇنەمى بايلانىستا بولادى.
«ارينە, ولار COVID-19-بەن اۋىرۋ قاۋپى بار. سوندىقتان ىشكى ىستەر ورگاندارىنىڭ قىزمەتكەرلەرى, سونداي-اق مەديتسينا قىزمەتكەرلەرى كوروناۆيرۋسقا قارسى ۆاكتسينا ەگۋدىڭ نەگىزگى توبىنا كىرەدى», دەيدى سۇلتانباەۆ.
جالپى, بۇگىنگى كۇنگە دەيىن 65 مىڭنان استام پوليتسيا قىزمەتكەرى COVID-19-عا قارسى ۆاكتسينا الدى.
